आता घराचे बांधकाम महागणार, सिमेंटच्या दरात होणार वाढ

मुंबई: सिमेंट कंपनी इंडिया सिमेंट लिमिटेडने सिमेंटच्या किमतीमध्ये प्रति बॅग 55 रुपये वाढ करण्याची योजना आखली आहे. ही वाढ टप्प्याटप्प्याने केली जाईल. कंपनीच्या एका वरिष्ठ अधिकाऱ्याने ही माहिती दिली.

इंडिया सिमेंट्सचे उपाध्यक्ष आणि व्यवस्थापकीय संचालक एन. श्रीनिवासन यांनी सांगितले की, कंपनी आपल्या 26,000 चौरस फूट जमिनीचा काही भाग विकून मालमत्तेची कमाई करण्याचीही योजना आखत आहे, असे पीटीआयने वृत्त दिले आहे. या रकमेचा वापर कर्जाची परतफेड आणि उत्पादन प्रकल्प सुधारण्यासाठी केला जाईल.

टप्याटप्याने होणार दरवाढ

एन श्रीनिवासन यांनी पत्रकारांना सांगितले की, 1 जून रोजी प्रति बॅग सिमेंटच्या किमतीत 20 रुपये, 15 जूनला 15 रुपये आणि 1 जुलै रोजी 20 रुपयांनी वाढ केली जाणार आहे. श्रीनिवासन म्हणाले की, सिमेंटच्या किमतीत वाढ झाल्यामुळे कंपनीला त्याचा फटका बसणार नाही, तर कंपनीचा हिशोब अधिक चांगला होण्याच्या दृष्टीने प्रयत्न असल्याचे सांगितले.

इतर कंपन्या दर कपात करणार?

काही सिमेंट उत्पादक सिमेंटच्या किरकोळ किमतीत कपात करण्याचा विचार करत आहेत का, असे विचारले असता श्रीनिवासन म्हणाले, “कृपया माझी इतरांशी तुलना करू नका.” बघा, मला एक काम आहे, माझे काम एका सिमेंट कंपनीच्या मुख्य कार्यकारी अधिकाऱ्याचे आहे. सर्व खर्च वाढले आहेत आणि मला काहीतरी करावे लागेल, अन्यथा माझे अधिक नुकसान होईल.

काय आहे दरवाढीचे कारण?

काही सिमेंट उत्पादक सिमेंटच्या किरकोळ किंमती कमी करण्याचा विचार करत आहेत का, असे विचारले असता श्रीनिवासन म्हणाले, कृपया माझी इतरांशी तुलना करू नका. माझे काम एका सिमेंट कंपनीचे मुख्य कार्यकारी अधिकारी म्हणून आहे. सर्व खर्च वाढले आहेत त्यामुळे ही तुट भरुन काढण्यासाठी आणि मला काहीतरी करावे लागेल, अन्यथा माझे अधिक नुकसान होईल, असा खुलासा त्यांनी केला.

विक्री प्रभावित होणार नाही

सिमेंटच्या किमती वाढल्याने विक्रीवर परिणाम होईल का, असे विचारले असता त्याचा विक्रीवर परिणाम होणार नसल्याचे त्यांनी सांगितले. ते पुढे म्हणाले, याची दोन कारणे आहेत – एक म्हणजे आम्ही उत्तम दर्जाचे सिमेंट देतो आणि दुसरे म्हणजे लोकांमध्ये आमची चांगली प्रतिमा आहे. आम्ही 75 वर्षांपासून या क्षेत्रात आहे आणि आमच्याबद्दल चांगले मत आहे.