Rain Update – राज्यात ऑक्टोंबर महिन्याच्या सुरुवातीला देखील पावसाचा जोर कायम असणार आहे. दक्षिण कोकणात कमी दाबाचा पट्टा निर्माण झाल्याने राज्यातील अनेक भागांमध्ये पावसाचा अंदाज वर्तवण्यात आला आहे. काही ठिकाणी ऑरेंज अलर्ट देखील जारी करण्यात आला आहे.सप्टेंबर महिन्यात राज्यातील अनेक भागांत समाधानकारक पाऊस झालेला आहे. राज्यात पावसाचा जोर अद्यापही कायम आहे. राज्यातील अनेक भागांत पुढील दोन दिवस पावसाचा अंदाज वर्तवण्यात आलेला आहे.दुसरीकडे हवामान विभागाने मान्सून संपला असल्याचे अधिकृतपणे जाहीर केलेले आहे. यामुळे आता परतीचा पाऊस किती पडणार? यावर राज्यातील धरणांमधील जलसाठ्यातील वाढ अवलंबून आहे. महाराष्ट्र राज्यातील प्रकल्पांमध्ये अजून ७९ टक्केच जलसाठा आहे.(Rain Update)
IND vs NED | इंडिया आणि नेदरलँड्स 12 वर्षांनी खेळणार आमनेसामने
पुणे, मुंबईत पाऊस
पुणे आणि मुंबईत आणखी दोन दिवस पाऊस पडेल असा हवामान विभागाचा अंदाज वर्तवलेला आहे. ४ ऑक्टोंबरनंतर पावसाचा जोर कमी होणार आहे.सध्या पुणे घाटमाथ्यावर चांगला पाऊस सुरु आहे. पुणे परिसरातील धरणे देखील भरलेली आहे. त्यामुळे पुणेकरांची पाण्याची चिंता मिटली आहे. तसेच शेतीला पाणी उपलब्ध होणार आहे.
सांगली जिल्ह्यात मुसळधार पाऊस
सांगली जिल्ह्यातील शिराळा तालुक्यातील चांदोली धरण परिसरात मुसळधार पाऊस झालेला आहे. रविवारी(01 ऑक्टोबर) दुपारी दोन वाजल्यापासून ढगफुटी सदृश्य पाऊस पडलेला आहे. या ठिकाणी तीन तासांत तब्बल 89 मिमी पावसाची नोंद झालेली आहे. धरण पाणलोट क्षेत्रातील निवळे येथे 138 मिमी तर धनगरवाडा येथे 161 मिमी पावसाची नोंद करण्यात आलेली आहे. मुसळधार पावसामुळे चांदोली परिसरातील भात शेती पाण्याखाली गेलेली असुन वारणा नदीला पूर आला आहे. नदीकाठची शेकडो एकर शेती पाण्याखाली गेलेली आहे. चांदोली धरणातून दुपारी तीन वाजता 1500 क्युसेक विसर्ग होत होता. तो रात्री साडेनऊ वाजता 9500 क्युसेक करण्यात आला आहे.
कणकापूर येथे बांधकाम कामगारांसाठी मध्यान्ह भोजन योजना
कोकणात मुसळधार पाऊस शक्यता..
दक्षिण कोकणामध्ये कमी दाबाचा पट्टा निर्माण झालेला आहे. यामुळे पुढील ४८ तास राज्यात पावसाची शक्यता वर्तवण्यात आलेली आहे. कोकणात मुसळधार पावसाची शक्यता आहे. रायगड, रत्नागिरी, सातारा जिल्ह्याला ऑरेंज अलर्ट जारी करण्यात आलेला आहे. दक्षिण आणि मध्य महाराष्ट्रात पावसाची शक्यता आहे. विदर्भात सर्वत्र यलो अलर्ट जारी केलेला आहे. मध्य महाराष्ट्रातील जळगाव, धुळे, नाशिक, नंदुरबार जिल्ह्यात पावसाचा अलर्ट वर्तवलेला नाही. मराठवाड्यात पावसाचा यलो अलर्ट जारी करण्यात आलेला आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
