Police Constable Bharti 2023: पोलीस भरतीसाठी तयारी करणाऱ्या तरुणांसाठी एक आनंदाची बातमी आहे. पंजाब पोलिसांनी कॉन्स्टेबल पदांसाठी भरती अधिसूचना प्रसिद्ध केली आहे. या पदांसाठी अर्ज प्रक्रिया १५ फेब्रुवारी २०२३ पासून सुरू होईल आणि ८ मार्चपर्यंत चालेल. उमेदवार पंजाब पोलिसांच्या अधिकृत वेबसाइट punjabpolice.gov.in द्वारे अर्ज करू शकतात.
या भरती प्रक्रियेद्वारे एकूण 1746 रिक्त पदे भरण्यात येणार आहेत, त्यापैकी 570 पदे महिलांसाठी राखीव ठेवण्यात आली आहेत. जारी केलेल्या अधिसूचनेनुसार उमेदवार विहित तारखेपासून या पदांसाठी अर्ज करू शकतात.
शैक्षणिक पात्रता आणि वयोमर्यादा
या पदांसाठी अर्ज करणाऱ्या उमेदवारांनी कोणत्याही मान्यताप्राप्त बोर्डातून 12वी परीक्षा उत्तीर्ण केलेली असावी. त्याचबरोबर माजी सैनिकांसाठी कमाल शैक्षणिक पात्रता 10वी उत्तीर्ण अशी निश्चित करण्यात आली आहे. अर्जदाराचे वय 18 ते 28 वर्षे दरम्यान असावे. अर्जदाराचे वय 1 जानेवारी 2023 पासून मोजले जाईल. त्याचबरोबर राखीव प्रवर्गातील उमेदवारांना शासनाच्या नियमानुसार कमाल वयोमर्यादेतही सवलत देण्यात आली आहे.
निवड प्रक्रिया
कॉन्स्टेबल पदांसाठी अर्जदारांची निवड तीन टप्प्यात केली जाईल. पहिला टप्पा लेखी परीक्षा, दुसरा टप्पा पीएमटी आणि पीएसटी आणि तिसरा टप्पा कागदपत्र पडताळणीचा असेल. लेखी परीक्षा सीबीटी पद्धतीने होईल. लेखी परीक्षेचा अभ्यासक्रम अधिकृत वेबसाइटवर प्रसिद्ध करण्यात आला आहे. परीक्षेतील यशस्वी उमेदवारांना पुढील निवड प्रक्रियेसाठी बोलावले जाईल. सीबीटी परीक्षेची तारीख अद्याप जाहीर झालेली नाही.
सर्वसाधारण प्रवर्गातील उमेदवारांना 1100 रुपये अर्ज शुल्क आणि SC आणि ST उमेदवारांना 600 रुपये अर्ज शुल्क भरावे लागेल. या भरतीशी संबंधित अधिक माहितीसाठी, उमेदवार अधिकृत वेबसाइटवर प्रसिद्ध केलेली भर्ती अधिसूचना पाहू शकतात.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
