Pakistan Blasphemy: कट्टरपथी पाकिस्तानमध्ये हिंदू अल्पसंख्याकांवर अत्याचाराचे प्रकरण समोर आले आहे. स्थानिक मीडिया रिपोर्ट्सनुसार, पाकिस्तानच्या हैदराबाद शहरातील स्थानिक रहिवाशाशी झालेल्या वादानंतर, हिंदू समुदायातील एका व्यक्तीवर ईशनिंदेचा आरोप करण्यात आला आणि त्याच्यावर खोटा गुन्हा दाखल करण्यात आला. अशोक कुमार असे या व्यक्तीचे नाव असून तो हैदराबाद येथील राबिया केंद्रात स्वच्छता कर्मचारी म्हणून काम करतो.
स्थानिक मीडिया रिपोर्टनुसार, त्याच्यावर कुराणाची पाने जाळल्याचा आरोप आहे. या संपूर्ण घटनेचा एक व्हिडिओ देखील समोर आला आहे ज्यामध्ये एक जमाव बाल्कनीच्या मदतीने इमारतीवर चढण्याचा प्रयत्न करत आहे. मात्र, पोलिसांनी घटनास्थळी येऊन जमावाला इमारतीवर चढण्यापासून रोखले आणि पीडितेविरुद्ध एफआयआर नोंदवल्यानंतर त्याला अटक करण्यात आली. दरम्यान, अशी माहिती समोर आली आहे की, ईश्‍वरनिंदेच्या प्रकरणात एका हिंदू पुरुषाला गोवण्यात आले होते, प्रत्यक्षात त्या प्रकरणात एका मुस्लिम महिलेचा समावेश होता.
ईशनिंदा कायद्याचा गैरवापर सर्रास
पाकिस्तानमध्ये ईशनिंदा कायद्याच्या गैरवापराची प्रकरणे सर्रास घडत आहेत. या कायद्याच्या गैरवापराच्या बातम्या रोजच समोर येत आहेत. पाकिस्तानमधील अल्पसंख्याक आणि मुस्लिम समुदायाच्या सदस्यांना ईशनिंदा केल्याच्या आरोपाखाली मॉब लिंचिंगच्या बातम्या आल्या आहेत. अनेक आरोपी वर्षानुवर्षे तुरुंगात आहेत. पाकिस्तानमध्ये ईशनिंदा कायदा कडक आहे आणि केवळ आरोपाच्या आधारे अनेकांना मृत्यूदंड दिला जातो. डिसेंबर 2021 मध्ये, पाकिस्तानमधील श्रीलंकन कारखान्याच्या व्यवस्थापकाला ईशनिंदा केल्याच्या आरोपावरून मारहाण करून ठार मारण्यात आले आणि पेटवून देण्यात आले. या घटनेवर तत्कालीन पंतप्रधान इम्रान खान म्हणाले होते की, हा पाकिस्तानसाठी लाजिरवाणा दिवस आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
