इंधनाच्या दरात मोठी घसरण! जाणून घ्या आजचे पेट्रोल, डिझेलचे दर

नवी दिल्ली: आंतरराष्ट्रीय बाजारात कच्च्या तेलाचे दर थोडे कमी झाले आहेत आणि ते प्रति बॅरल 124 डॉलरवरून 115 डॉलरवर आले आहे. मात्र, त्याचा देशांतर्गत बाजारातील पेट्रोल आणि डिझेलच्या दरावर कोणताही परिणाम झालेला नाही. तेल विपणन कंपन्यांनी आज पेट्रोल आणि डिझेलचे दर जाहीर केले आहेत.

दिल्लीत आज पेट्रोल 96.72 रुपये आणि डिझेल 89.62 रुपये प्रति लिटर दराने विकले जात आहे. आज मुंबईत एक लिटर पेट्रोलचा दर 111.35 रुपये आणि डिझेलचा दर 97.28 रुपये आहे. चेन्नईमध्ये पेट्रोलची किंमत 102.63 रुपये आणि डिझेलची किंमत 94.24 रुपये आहे. त्याच वेळी, कोलकातामध्ये पेट्रोलची किंमत 106.03 रुपये आणि डिझेलची किंमत 92.76 रुपये प्रति लिटर आहे.

मागणी जास्त, उत्पादन मात्र कमीच

या आठवड्यात तेल उत्पादक राष्ट्राने (OPEC+) उत्पादन वाढवण्याचा निर्णय घेतला आहे. जुलै आणि ऑगस्ट महिन्यात, OPEC+ देश मिळून दररोज 6.48 लाख बॅरल तेलाचे उत्पादन करतील. क्रेडिट कमोडिटीचे अजय केडिया म्हणाले की, जागतिक बाजारपेठेत मागणी जास्त आहे, परंतु उत्पादनात त्यानुसार वाढ झालेली नाही. अशा स्थितीत आंतरराष्ट्रीय बाजारात तेलाच्या किमती वाढतच जाणार आहेत. अशा स्थितीत देशांतर्गत बाजारपेठेत पेट्रोल आणि डिझेलच्या किमती कमी होण्याची शक्यता सध्या तरी दिसत नाही.

सध्या इंधन दरात तेजी राहील

युक्रेनवरील हल्ल्यामुळे युरोपियन युनियनने रशियाच्या तेल आयातीवर सहाव्या टप्प्यात निर्बंध लादले आहेत. रशियातून आयात होणाऱ्या 75 टक्के तेलावर याचा परिणाम होणार आहे. या वर्षाच्या अखेरीस रशियन तेलाच्या 90 टक्के आयातीवर बंदी घालण्याची योजना आहे. अशा परिस्थितीत आगामी काळात तेलाचा तुटवडा कायम राहणार असून, त्याचा परिणाम भावावरही दिसून येईल.

भारत कोणत्या देशातून किती आयात करतो?

भारत आपल्या गरजेच्या 27 टक्के तेल इराकमधून, 17 टक्के सौदी अरेबियातून आणि 13 टक्के यूएईमधून आयात करतो. PPAC च्या अहवालानुसार, 2021-22 या आर्थिक वर्षात एप्रिल ते जानेवारी या दहा महिन्यांत भारताने 94.3 अब्ज डॉलर किमतीचे तेल आयात केले. जानेवारी 2022 मध्ये तेल आयात बिल 11.6 अब्ज डॉलर होते, जे फक्त एक वर्षापूर्वी जानेवारी 2021 मध्ये फक्त 7.7 बिलियन डॉलर होते. अशाप्रकारे, वार्षिक आधारावर बिलात 50.64 टक्के वाढ नोंदवली गेली. अहवालानुसार, 2021-22 या आर्थिक वर्षात भारताचे तेल आयातीचे बिल 115 अब्ज डॉलरपर्यंत पोहोचू शकते.