द पॉईंट नाऊ ब्युरो : केंद्र सरकारने नुकतीच इंधनाच्या दरात कपात केली. त्यानंतर गॅस सिलिंडरवर 200 रुपये कमी होणार असेही स्पष्ट केले. मात्र हे 200 रुपये सर्वांसाठीच कमी होणार नाहीयेत, हे देखील तुम्ही लक्षात घ्यायला हवं.
पेट्रोल-डिझेल दर तर आसमंत गाठतच आहेत, पण आज गॅस सिलिंडरचे दर 1000 च्या वर जाऊन पोहोचलेत. या सिलिंडरवर आधी सबसिडी मिळायची. ती थेट तुमच्या बँक खात्यात जमा व्हायची. मात्र मागील काही महिन्यांपासून ही सबसिडी जमा होणे बंद झाले. मात्र नक्की सरकारने सबसिडी बंद केली की अजून काही कारण आहे, हे मात्र स्पष्ट होत नव्हते.
त्यात नुकतेच केंद्र सरकारने गॅस सिलिंडरवर 200 रुपयांची सूट जाहीर केली. तीही सबसिडी स्वरूपात. मात्र ही सबसिडी सर्वच नागरिकांना नाहीये. तर केवळ उज्वला योजनेतील ग्राहकांसाठी ही सबसिडी आहे. आणि इतर कोट्यवधी ग्राहकांना मात्र बाजार भावानेच गॅस सिलिंडर खरेदी करावे लागणार आहे. त्यामुळे आधीच महागाईच्या आगीत होरपळणाऱ्या सामान्य माणसाला ही झळ देखील सोसावीच लागणार आहे. अर्थात, आता उज्वला योजनेतील ग्राहक सोडले, तर इतर सर्वांची गॅस सिलिंडर सबसिडी बंद करण्यात आली आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
