मॉस्कोहून गोव्याला येणाऱ्या विमानाला बॉम्बची धमकी दिल्यानंतर सोमवारी (9 जानेवारी) गुजरातमधील जामनगर विमानतळावर इमर्जन्सी लँडिंग करण्यात आले आहे. 200 हून अधिक प्रवाशांना घेऊन जाणाऱ्या विमानात संशयास्पद पदार्थ आढळल्याने आपत्कालीन लँडिंग करण्यात आले. स्थानिक पोलीस, रुग्णवाहिका आणि बॉम्बशोधक पथक घटनास्थळी आहे.
गुजरात पोलिसांच्या एका वरिष्ठ अधिकाऱ्याने सांगितले की, गोवा एटीसीला बॉम्बची धमकी मिळाल्यानंतर मॉस्को-गोवा चार्टर्ड फ्लाइट जामनगर, गुजरातकडे वळवण्यात आली. विमान आयसोलेशन बेमध्ये आहे, पुढील तपास सुरू आहे. सर्व प्रवासी सुखरूप असून त्यांना विमानातून खाली उतरवण्यात आले आहे.
सर्व प्रवासी सुखरूप उतरले
जामनगर विमानतळ संचालकांनी सांगितले की, मॉस्को-गोवा चार्टर्ड फ्लाइटमधील सर्व २४४ प्रवाशांना विमानतळावर उतरवण्यात आले. रात्री ९.४९ च्या सुमारास विमान सुरक्षितपणे विमानतळावर उतरवण्यात आले. बॉम्बशोधक पथक आणि अग्निशमन दल घटनास्थळी पोहोचले आहे. याशिवाय सीआयएसएफचे अधिकारी, तसेच जिल्हाधिकारी आणि पोलिस अधीक्षक विमानतळावर पोहोचले आहेत. रशियन दूतावासाला भारतीय अधिकाऱ्यांनी मॉस्कोहून गोव्याला जाणाऱ्या अझूर एअरच्या विमानात बॉम्बच्या संभाव्य धोक्याबद्दल सतर्क केले होते. जामनगर भारतीय हवाई दलाच्या तळावर विमानाचे आपत्कालीन लँडिंग करण्यात आले. अधिकारी विमानाची तपासणी करत आहेत.
या धमकीनंतर याआधीही विमानाचे इमर्जन्सी लँडिंग झाले होते
गेल्या वर्षीही ऑक्टोबर महिन्यात मॉस्कोहून ४०० जणांना घेऊन जाणाऱ्या विमानाला बॉम्बच्या धमकीनंतर दिल्लीत आपत्कालीन लँडिंग करावे लागले होते. अधिकाऱ्यांनी दिलेल्या माहितीनुसार, एरोफ्लॉट पायलटेज फ्लाइट SU 232 14 ऑक्टोबरला सकाळी इंदिरा गांधी आंतरराष्ट्रीय विमानतळावर उतरले होते. प्रवासी आणि चालक दलातील सदस्यांना सुखरूप बाहेर काढण्यात आले. पोलिसांनी दिलेल्या माहितीनुसार, सीआयएसएफला फ्लाइटमध्ये बॉम्ब असल्याचा इशारा ई-मेल मिळाला होता. विमानाची तपासणी केली असता काहीही आढळले नाही.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
