देवळा ; खर्डे ग्रामपंचायतीच्या सार्वत्रिक निवडणूकीत छत्रपती पतसंस्थेचे अध्यक्ष व विकास सोसायटीचे संचालक संदीप पवार , शिवसेनेचे विजय जगताप यांच्या संयुक्तिक नेतृत्वाखाली गुरुदत्त पॅनलने १३ पैकी ८ जागा जिंकून स्पष्ट बहुमत प्राप्त केले तर पंचायत समितीचे माजी सभापती बापू देवरे यांच्या नेतृत्वाखाली नम्रता पॅनलला अवघ्या पाच जागांवर समाधान मानावे लागले.
या दोन्ही पॅनल मध्ये सरळ लढत होऊन अत्यंत चुरशीच्या झालेल्या निवडणुकीत अखेर गुरुदत्त पॅनलने विरोधकांकडून सत्ता काबाजी केली. खर्डे ग्रामपंचायतीच्या पंचवार्षिक निवडणुकीसाठी एकूण १३ जागांसाठी २७ उमेदवार निवडणुकीच्या रिंगणात उभे ठाकले होते तर वार्ड क्रमांक ५ मध्ये अपक्ष उमेदवार विठाबाई देवरे यांना अवघ्या ५९ मतांवर समाधान मानावे लागले.
ग्रामपंचायतीचे वार्ड निहाय विजयी उमेदवार व त्यांना मिळालेली मते कंसात पुढीलप्रमाणे
वार्ड क्रमांक १ “- कृष्णा अहिरे,(५२८ विजयी, नम्रता पॅनल) ,खुशाली देवरे,( ४८४ विजयी ,गुरुदत्त पॅनल ) सुनीता गांगुर्डे, (४५०विजयी ,नम्रता पॅनल )
“,वार्ड क्रमांक २”- अनिता माळी,(४११विजयी) आशाबाई देवरे(३९५विजयी दोन्ही नम्रता पॅनल ),”
वार्ड क्रमांक ३” – अनिल पवार,(४२६ विजयी ,नम्रता पॅनल) , संगीता पवार(३९९विजयी ,गुरुदत्त पॅनल),,
” वार्ड क्रमांक ४” -सुनील जाधव (२२१विजयी) ,आशा पवार(२३८ विजयी),वाळी पवार,(२१८विजयी तिन्ही गुरुदत्त पॅनल )
“वार्ड क्रमांक ५” – जीभाऊ मोहन (३०७ विजयी), साखरबाई माळी (२६३विजयी ), ,भाग्यश्री पवार (२७०विजयी ,तिन्ही गुरुदत्त पॅनल ) याप्रमाणे . निवडणूक निकाल घोषित होताच गुरुदत्त पॅनलच्या समर्थकांनी विजयी उमेदवारांचे फटक्यांची आतषबाजी व गुलालाची उधळण करत एकच जल्लोष केला.
खर्डे ग्रामपंचायतीच्या निवडणुकीकडे संपूर्ण तालुक्याचे लक्ष लागून होते .त्यात वार्ड क्रमांक ४ मध्ये सर्वसाधारण जागेसाठी पंचायत समिती व बाजार समितीचे माजी सभापती बापू देवरे यांचे चिरंजीव सुहास देवरे यांच्या विरोधात माजी सरपंच नारायण आणा जाधव यांचे चिरंजीव सुनील जाधव यांच्यात तुल्यबळ लढत होऊन, सुनील जाधव विजयी झाले . या निकालाकडे संपूर्ण गाव तसेच तालुक्यातील जनतेचे लक्ष लागून होते . यात गुरुदत्त पॅनलचे तीनही उमेदवार निवडून आले.
खर्डे ग्रामपंचायतीच्या सार्वत्रिक निवडणुकीत मतदारांनी गुरुदत्त पॅनलच्या आठ उमेदवारांना विजयी करून एक हाती सत्ता ताब्यात दिली . हा धनशक्ती विरुद्ध जनशक्तीचा विजय आहे . आमच्यावर जनतेने टाकलेला विश्वास आम्ही सार्थ ठरवून गावातील विकास कामांवर भर दिला जाईल .
संदीप पवार – गुरुदत्त पॅनलचे नेते तथा छत्रपती पतसंस्थेचे अध्यक्ष व विकास सोसायटी संचालक ,खर्डे
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
