सुरगाणा प्रतिनिधी : बोरगाव सापुतारा महामार्गावर सुरगाणा तालुक्यातील चिखली येथे वणी कडून सापुतारा कडे जाणारी लक्झरी RJ 27 2658 बोरगाव कडून नाशिक कडे जाणारी महिंद्रा पिकप MH 41 AU 21 92 यांच्यात सायंकाळी पाच ते साडेपाच या दरम्यान अपघात झाला. यात पिकप वाहनातील तीन जण कैलास पांडुरंग दळवी 26 राहणार ततानी तालुका कळवण, पंढरीनाथ मुरलीधर पंचावन्न सिंगारवाडी तालुका कळवण, नारायण देवराम पवार 50 राहणार घागरवाडा तालुका सुरगाणा हे तीन जण जागीच ठार झाले.
भास्कर पांडुरंग राऊत 27 राहणार ततानी तालुका कळवण सुनील पुंडलिक बागुल 30 राहणार बेंदीपाडा तालुका कळवण, किशोर साबळे एकोणवीस राहणार ततानी तालुका कळवण, सावळीराम बबन साबळे 40 राहणार तळणी तालुका कळवण, यशवंत महादू गायकवाड 41 राहणार ततानी तालुका कळवण, यशवंत सोमा राऊत 45 राहणार शिंगार वाडी तालुका कळवण या जखमींना बोरगाव प्राथमिक आरोग्य केंद्रात दाखल करण्यात आले होते.
सावळीराम साबळे व यशवंत गायकवाड यांची परिस्थिती चिंताजनक असल्याने त्यांना नाशिक जिल्हा रुग्णालयात हलविण्यात आले आहेत. याबाबत सुरगाना पोलीस ठाण्यात अपघाताची नोंद झाली असून पुढील तपास पोलिस निरीक्षक संदीप कोळी यांच्या मार्गदर्शनाखाली सहाय्यक पोलीस निरीक्षक निलेश बोडखे, संतोष गवळी, पराग गोतरणे करीत आहेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
