देवळा : विठेवाडी ता देवळा येथील सकल मराठा समाजाच्या कार्यकर्त्यांनी आज रविवारी दि १० रोजी अंतरवाली (सराटी) जि जालना येथे जाऊन उपोषण कर्ते मनोज जारांगे यांची भेट घेऊन आपला पाठींबा दर्शवला .
मराठा समाजाला आरक्षण मिळावे या मागणीसाठी अंतरवाली (सराटी) जि जालना येथे मनोज जारांगे हे गेल्या पंधरा दिवसांपासून उपोषणाला बसले आहेत .येथील आंदोलकांवर नुकताच लाठीचार्ज झाला .या घटनेचा सम्पूर्ण महाराष्ट्रातुन सकल मराठा समाजाच्या वतीने गावं कडकडीत बंद पाळून , आंदोलन मोर्चे काढून निषेध व्यक्त करण्यात येत आहे.
या उपोषणाला पाठिंबा म्हणून रविवारी दि १० रोजी विठेवाडी ता देवळा येथील सकल मराठा समाजाच्या कार्यकर्त्यांनी अंतरवाली (सराटी) जि जालना येथे जाऊन उपोषण कर्ते मनोज जारांगे यांची भेट घेऊन आपला पाठींबा दर्शवला .व शासनाने याची तात्काळ दखल घेऊन आरक्षण जाहीर करावे ,अशी मागणी केली. यावेळी दिनकर जाधव ,संजय सावळे ,महेंद्र आहेर ,पी डी निकम ,नंदलाल निकम आदी उपस्थित होते.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
