सातारा | म्हसवड शहरात 29 वर्षीय विवाहितेची दारूच्या नशेतील तिच्या पतीने हत्या केल्याचं समोर आलेलं आहे. पत्नीच्या चारित्र्याच्या संशयावरून पत्नीचं भिंतीवर डोके आपटून तिचा निर्घृण खून केलेला आहे. ही घटना दुपारी चार वाजेच्या सुमारास उघडकीस आली. या घटनेची माहिती मिळताच म्हसवड पोलीस घटनास्थळी दाखल झाले होते. त्यांनी पत्नीच्या खून प्रकरणी पतीला शिताफीने अटक करून ताब्यात घेतलेले आहे.
Malegaon | मी तुरुंगातून निवडणूक लढवेल, पण भुसेंचा पराभव करणारच
दीपाली धोंडीराम पुकळे (वय २९, म्हसवड) हिचा विवाह धोंडीराम पुकळे याच्या बरोबर झाला होता. धोंडीराम आणि पत्नी दीपाली हे म्हसवड येथील सहकारनगर परिसरात कवी वस्तीजवळ एका बिल्डिंगमध्ये भाडोत्री राहत होते. दीपाली ही MPSC चा अभ्यास करत होती. दीपाली आणि धोंडीराम या दोघांना दोन मुलं आहेत. रविवारी रात्री धोंडीराम दारू पिऊन आला होता. दीपालीच्या चारित्र्याच्या संशयावरून दोघांमध्ये जोरदार भांडणही झाले. या भांडणात धोंडीराम याने दीपालीचे डोकं भिंत आणि जमिनीवर आपटले आणि या झटापटीत दीपालीच्या काना-नाकातून रक्त आल्यावर त्याने तिला बेडवर झोपवले होते. मुलांना जवळ घेऊन त्यांना पतीने झोपवले. आरोपी धोंडीराम मात्र रात्रभर बसून होता.
सकाळी मुलांना धोंडीरामन यानेच चहा, बिस्किटे दिली. मुलं आईला उठवत असताना रोज भांडण झाल्यावर रागारागाने आई झोपते त्याप्रमाणे झोपली आहे, असं मुलांना वाटलं. तेव्हा धोंडीराम याने मुलांना ११ वाजेच्या दरम्यान बाहेर खेळण्यास पाठवले आणि त्यानंतर स्वतःही दुपारी दोनच्या दरम्यान घराबाहेर निघुन गेला. त्यावेळी मुलं घरी आलीत. त्यांनी आईला उठवलं पण आई उठत नाही म्हणून मुलं रडू लागली. त्यानंतर शेजारी राहणारे लोक त्या ठिकाणी आले. त्यांनी पाहिले, तर एक धक्कादायक बाब समोर आली. दिपाली मृत्युमुखी पडलेली होती.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
