The point now – भारतीय रेल्वेच्या मदतीने दररोज लाखो प्रवासी एका ठिकाणाहून दुसऱ्या ठिकाणी प्रवास करतात. त्यांच्यासाठी रेल्वे त्यांच्या सेवांमध्ये सातत्याने सुधारणा करत असते. त्याचप्रमाणे IRCTC सुद्धा नवीन नियम बनवते आणि जुने नियम सोपे करते. मात्र, तरीही अनेक प्रवासी विविध तक्रारी करत असतात. तसेच लोअर बर्थ सहज मिळत नसल्याची तक्रार ज्येष्ठ नागरिक करतात.
अलीकडेच एका ट्विटर वापरकर्त्याने ट्विट केले की, ‘मी माझ्या काकांसाठी काल संध्याकाळी तिकीट बुक केले ज्यामध्ये मी प्रथम प्राधान्याने खालच्या बर्थची निवड केली होती कारण त्यांचा पाय कापला आहे आणि ते वरती चढू शकत नाही पण असे असूनही मला वरचा बर्थ मिळाला.
या ट्विटला उत्तर देताना IRCTC ने स्पष्ट केले की त्या व्यक्तीला तळाचा बर्थ का मिळाला नाही. आयआरसीटीसीने ट्विटमध्ये म्हटले आहे की, तुम्ही सर्वसाधारण कोट्यात खालच्या बर्थला प्राधान्य देऊ शकता परंतु बर्थचे वाटप उपलब्धतेच्या अधीन आहे. यानंतर तुम्हाला ‘लॉवर बर्थ अलॉट असेल तरच रिझर्वेशन चॉईस बुक’ निवडावे लागेल.
दुसर्‍या ट्विटमध्ये, IRCTC ने पुढे लिहिले की, ‘कृपया लक्षात घ्या की सामान्य कोट्यातील खालच्या बर्थचे वाटप पूर्णपणे उपलब्धतेच्या अधीन आहे आणि त्यात कोणताही मॅन्युअल हस्तक्षेप नाही. तसेच, तुम्ही ऑन ड्युटी TTE शी संपर्क साधू शकता ज्यां गरजूंना खाली बर्थ उपलब्ध करून देण्यासाठी प्रयत्न करतील
नियमांनुसार, स्लीपर क्लासमध्ये प्रत्येक कोचमध्ये सहा लोअर बर्थ आणि एसी-3 टियरमध्ये तीन लोअर बर्थ आणि स्लीपिंग क्लास असलेल्या सर्व ट्रेनमध्ये एसी-2 टियरमध्ये ज्येष्ठ नागरिकांसाठी कोटा निश्चित करण्यात आला आहे. ज्यामध्ये, ट्रेन सुटल्यानंतर खालचा बर्थ रिकामा राहिल्यास, अपंग व्यक्ती, ज्येष्ठ नागरिक किंवा गरोदर स्त्री, ज्याला वरचा किंवा मधला बर्थ मिळाला आहे, त्यांच्या विनंतीकरुन करता येईल. ऑन-बोर्ड तिकीट तपासणी कर्मचारी चार्टमध्ये आवश्यक बदल करून अशा खालच्या जागा देऊ शकतात.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
