सोमनाथ जगताप – प्रतिनिधी : देवळा | देवळा तालुकास्तरीय २१ वे विज्ञान प्रदर्शनाचे उद्घाटन ज्ञानेश्वर माऊली माध्यमिक विद्यालय देवपूरपाडे येथे चांदवड – देवळा तालुक्याचे आमदार डॉ. राहुल आहेर यांच्या हस्ते संपन्न झाले. विद्यार्थ्यांनी विज्ञान व तंत्रज्ञान आणि शाश्वत शेती या विषयावर प्रतिकृती तयार करून आणल्या होत्या. विज्ञान प्रदर्शनातून संशोधक निर्माण व्हावेत व त्यांचा देशाच्या विकासाला हातभार लागावा असे प्रतिपादन यावेळी डॉक्टर आहेर यांनी केले.
अध्यक्षस्थानी माजी केंद्रीय आरोग्य राज्यमंत्री डॉ. भारती पवार होत्या.
प्रमुख पाहुणे म्हणून द्वारकाधीश साखर कारखान्याचे संस्थापक अध्यक्ष शंकरराव सावंत, म.वि.प्र संस्थेचे माजी संचालक प्रमोद पाटील, प्रशांत देवरे, यशवंत काशिराम, सुनील आहेर, डॉ. भास्करराव सावंत, स्वप्निल आहिरे, प्रदीप निकम, दिपक बच्छाव, अशोक आहेर, आण्णा शेवाळे, नानाजी सूर्यवंशी, खंडू वनाजी, दगडू भामरे आदी पंचक्रोशीतील मान्यवर उपस्थित होते. गटशिक्षणाधिकारी सतीश बच्छाव यांनी प्रास्ताविक केले. शिक्षक प्रवीण सूर्यवंशी यांनी सूत्रसंचालन व आभार मानले. विस्ताराधिकारी के.ए. विसावे, केंद्रप्रमुख पी.के.आहेर, जी पी. लोंढे, मुख्याध्यापक संघाचे अध्यक्ष एस.के.सावंत, समितीचे विजय आहेर, दिव्यांग संघटनेचे अनिल सावंत उपस्थित होते.
Deola | देवळा शहरात प्रदूषण मुक्त भारत मोहिमे अंतर्गत सायकल रॅलीचे आयोजन
तालुक्यातून मोठ्या प्रमाणात विद्यार्थी व शिक्षक विज्ञान प्रतिकृती घेऊन उपस्थित होते. विद्यार्थ्यांची जिज्ञासा वृत्ती व सृजनशीलतेला वाव देण्यासाठी असे उपक्रम प्रत्येक शाळेने राबवावेत असे प्रतिपादन डॉ. भारती पवार यांनी आपल्या मनोगतातून मांडले. अतिशय छोट्या पाड्यावर असलेल्या शाळेने मोठ्या स्वरूपात राबवलेली विज्ञान जत्रा पाहून पाहुण्यांनी संस्थेचे अध्यक्ष अभिमन आहिरे व शाळेच्या शिक्षकांचे कौतुक केले. विज्ञान अध्यापक संघाचे अध्यक्ष राजेंद्र कापडणीस, कार्यवाहक भाऊसाहेब देवरे यांनी संयोजन केले. संस्थेचे अध्यक्ष अभिमन आहिरे, अजय आहिरे यांनी आभार मानले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
