सोमनाथ जगताप – प्रतिनिधी : देवळा | खर्डे (ता. देवळा) येथे भव्य कुस्ती दंगलीने यात्रेचा समारोप करण्यात आला.
खर्डे येथे पारंपारिक पद्धतीने ग्रामदैवत असलेल्या श्रीराम जन्मोत्सवानिमित्ताने यात्रेचे आयोजन करण्यात आले होते. याठिकाणी शुक्रवारी (दि. १९) रोजी भव्य कुस्त्यांची दंगल भरविण्यात आली. यासाठी येथे मोठ्या प्रमाणावर कुस्तीगीरांनी हजेरी लावली होती. अंतिम सामन्यात गौरव देवरे (रा. मेहुणे) याने ११,००० हजार रुपयांचे बक्षीस जिंकले. देवरे याचा यात्रा कमिटीचे अध्यक्ष सुखदेव देवरे यांच्या हस्ते सन्मान करण्यात आला व यात्रेची सांगता करण्यात आली.
Deola | देवळा मेडिकल असोसिएशनच्या वतीने भाविकांसाठी मोफत औषधांचे वाटप
खर्डे (ता. देवळा) येथे यावर्षी भीषण पाणी टंचाई निर्माण झाल्याने दुष्काळी परिस्थिती निर्माण झाली आहे. शेतात कोणतेही पीक नसल्याने शेतकऱ्यांवर आर्थिक संकट उभे ठाकले असताना देखील गावकऱ्यांनी यात्रा कमिटीच्या आव्हानाला प्रतिसाद देऊन यात्रोत्सव मोठ्या दिमाखात साजरा केला. श्रीराम मंदिराला रंग रंगोटी व विद्युत रोषणाई, श्रीराम जन्मोत्सव निमित्ताने कीर्तन, रथाचा लिलाव, मिरवणूक, भारुडाचा कार्यक्रम, भव्य कुस्त्यांची दंगल, लोकनाट्य तमाशा आदी कार्यक्रम यशस्वी पार पडले. आजूबाजूच्या परिसरातील छोट्या मोठ्या व्यावसायिकांनी खाऊच्या दुकानाबरोबर इतर खेळणी, साहित्याची दुकाने लावून यात्रेची शोभा वाढवली. बऱ्यापैकी आर्थिक उलाढाल झाली . कुठलाही अनुचित प्रकार न घडता यात्रा सुरळीत पार पडली. याकामी कमिटीच्या पदाधिकारी व सदस्यांनी विशेष परिश्रम घेतले.
Deola | मयंक जाधव याची नवोदय विद्यालयासाठी निवड
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
