सोमनाथ जगताप – प्रतिनिधी : देवळा | दिव्यांग लाभार्थ्याना नगराध्यक्षा भाग्यश्री पवार यांच्या हस्ते निधीचे वाटप करण्यात आले. दिव्यांग निधीच्या माध्यमातून देवळा नगरपंचायत हद्दीतील दिव्यांग बांधवांसाठी नगरपंचातीच्या सेस निधीतून एकूण ३९ दिव्यांग लाभार्थ्यांना वैयक्तिक आर्थिक सहाय्य देण्यात आले. नगरपंचायतीच्या सभागृहात झालेल्या मासिक बैठकीत नगराध्यक्षा भाग्यश्री पवार यांच्या हस्ते सदर निधीचे वितरण करण्यात आले. ह्याप्रसंगी उपाध्यक्ष मनोज आहेर, गटनेते संजय आहेर, विरोधी गट नेते संतोष शिंदे, नगरसेवक जितेंद्र आहेर, कैलास पवार, करण आहेर, भूषण गांगुर्डे, हितेश आहेर, सुलभा आहेर, रत्ना मेतकर, सुनंदा आहेर आदींसह, अधिकारी, कर्मचारी उपस्थित होते. देवळा शहरातील ज्या दिव्यांग बांधवानी अद्याप या योजनेचा लाभ घेतला नसेल त्यांनी युडीआयडी कार्ड काढून नगरपंचायत कार्यालयाकडे नवीन नोंदणी करून योजनेचा लाभ घ्यावा असे आवाहन मुख्याधिकारी प्रमोद ढोरजकर यांनी यावेळी केले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
