सोमनाथ जगताप – प्रतिनिधी : देवळा | अपघातात गंभीर जखमी झालेल्या कणकापूर येथील अक्षय भाऊसाहेब शिंदे (वय २२) या विवाहीत युवकाचे नाशिक येथे उपचारादरम्यान निधन झाले. या घटनेने कणकापूरसह खर्डे परिसरात हळहळ व्यक्त करण्यात येत आहे. याबाबत अधिक माहिती अशी की, गेल्या रविवारी (दि.१३) रोजी रात्री आठ वाजेच्या सुमारास कणकापूर येथील अक्षय भाऊसाहेब शिंदे (वय २२) हा युवक आपल्या दुचाकीवरून खर्डे येथून घरी जात असताना समोरून भरधाव वेगाने येणाऱ्या सेलू पुरी (ता. चांदवड) येथील दुचाकी स्वाराने त्याला जोराची धडक दिली असल्याचे समजते.
Deola | नुकसानग्रस्त शेतपीकाच्या पाहणीसाठी कृषिमंत्री रात्री शेतकऱ्याच्या बांधावर
या अपघातात अक्षय हा गंभीर जखमी झाला. त्याला पुढील उपचारासाठी नाशिक येथे खाजगी दवाखान्यात दाखल करण्यात आले होते. मंगळवारी (दि.२८) रोजी सकाळी १० वाजेच्या सुमारास त्याचे उपचारादरम्यान निधन झाले. या घटनेने कणकापूर सह खर्डे परिसरात हळहळ व्यक्त करण्यात येत असून, पोलिसांनी या अपघातास कारणीभूत ठरलेल्या चांदवड तालुक्यातील दुचाकी स्वारांचा शोध घेऊन त्यांच्यावर गुन्हा दाखल करण्यात यावा, अशी मागणी करण्यात आली आहे. मयत अक्षय शिंदे याच्या पश्चात आई, वडील, पत्नी, एक लहान मुलगी असा परिवार आहे. प्रगतिशील शेतकरी भाऊसाहेब विठ्ठल शिंदे यांचा तो मुलगा होता.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
