सोमनाथ जगताप – प्रतिनिधी : देवळा | मविप्र संचलित पिंपळगाव (वाखारी) येथील जनता विद्यालयात डॉ. रामानुजन यांचा जन्मदिवस राष्ट्रीय गणित दिन म्हणून उत्साहात साजरा करण्यात आला. कार्यक्रमाच्या अध्यक्षस्थानी गणित विषय शिक्षिका मंगला आहेर होत्या. व्यासपीठावर प्राचार्या संगीता आहेर, प्रभारी पर्यवेक्षक अशोक खैरनार, गणित समितीचे प्रमुख चंद्रशेखर चव्हाण, रवींद्र निकम, वैशाली निकम, सरोज जाधव, जयश्री बिरारी, महेंद्र बच्छाव, हेमंत पवार, रोहिणी आहेर, शितल देवरे, सुभाष भोये, दिनेश जाधव, पवन निकम उपस्थित होते. श्रीनिवास रामानुजन यांच्या प्रतिमेचे पूजन प्राचार्य संगीता आहेर, चंद्रशेखर चव्हाण यांच्या हस्ते करण्यात आले. प्रास्ताविक रवींद्र निकम यांनी केले. कार्यक्रमाचे नियोजन इयत्ता नववी ब वर्गाने केले. सूत्रसंचालन ऋतुजा वाघ, समृद्धी पाटील यांनी केले.
Deola | देवळा शहरात प्रदूषण मुक्त भारत मोहिमे अंतर्गत सायकल रॅलीचे आयोजन
गणित दिनाचे औचित्य साधून गणित समिती प्रमुख चंद्रशेखर चव्हाण व समिती सदस्य यांच्यामार्फत विद्यालयास अध्यापनासाठी कंपास पेटी भेट देण्यात आली. गणित दिनाच्या दिवशी मनोगत व्यक्त करणाऱ्या विद्यार्थ्यांचे प्रथम, द्वितीय व तृतीय क्रमांक येणाऱ्या विद्यार्थ्यांना गणित विषय समितीमार्फत बक्षीस देण्यात आले. विद्यालयातील गणित समिती प्रमुख चंद्रशेखर चव्हाण यांनी आपल्या मनोगतातून डॉ. यांचे बालजीवन, गणित विषयातील त्यांचे कार्य याविषयी मनोगत व्यक्त केले. विद्यालयातील ज्येष्ठ शिक्षिका वैशाली निकम व कार्यक्रमाच्या अध्यक्षा मंगला आहेर यांनी विद्यार्थ्यांना आपल्या मनोगतातून गणित विषयाची अभिरुची निर्माण होण्यासाठी मार्गदर्शन केले. कार्यक्रम यशस्वीतेसाठी सर्व शिक्षक, शिक्षकेतर कर्मचारी यांचे मोलाचे सहकार्य लाभले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
