सोमनाथ जगताप – प्रतिनिधी : देवळा | येथील किशोर सूर्यवंशी नागरी सहकारी पतसंस्थेच्या चेअरमन पदी प्रमोद आनंदराव पाटील यांची तर व्हा. चेअरमन पदी कौतिक सिताराम पवार यांची बिनविरोध निवड करण्यात आली. या संस्थेच्या संचालक मंडळाची पंचवार्षिक निवडणूक नुकतीच बिनविरोध पार पडली असून, मंगळवारी दि. ८ रोजी सकाळी ११ वाजता संस्थेच्या नूतन पदाधिकाऱ्यांच्या निवडीसाठी अध्यासी अधिकारी तथा सहायक निबंधक अनिल देवकर यांच्या अध्यक्षतेखाली संचालक मंडळाची बैठक घेण्यात आली. यावेळी सर्वानुमते चेअरमन पदी प्रमोद आनंदराव पाटील यांची तर व्हा. चेअरमन पदी कौतिक सिताराम पवार यांची बिनविरोध निवड करण्यात आली. यावेळी दिनकर देवरे, शांताराम आहेर, डॉ. सुदर्शन पाटील, प्रदीप तुकाराम आहेर, रोशन सूर्यवंशी, डॉ. संजय निकम, भगवान पवार, रोहित चंदन, सौ. रत्ना आहेर, सौ. गीता पाटील, प्रदीप आहेर आदींसह व्यवस्थापक प्रशांत नाखरे व कर्मचारी उपस्थित होते. नूतन पदाधिकाऱ्यांचे सर्वत्र अभिनंदन करण्यात येत आहे.
किशोर सूर्यवंशी पतसंस्थेने रौप्यमहोत्सवी वर्षात पदार्पण केले असून, याकामी सभासद, ठेवीदार यांचे मोलाचे योगदान आहे. रौप्यमहोत्सवी कार्यक्रमात संस्थेच्या वतीने सभासदांना आकर्षक भेट वस्तूंचे मान्यवरांच्या हस्ते वाटप करण्याचा संचालक मंडळाचा मानस असून, कार्यक्रम यासंदर्भात नियोजन सुरू आहे. थकबाकीदार सभासदांनी वेळेत कर्जाचा भरणा करून, कायदेशीर कारवाई टाळावी.
– प्रमोद पाटील (चेअरमन)
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
