देवळा : तालुक्यातील निंबोळा येथे बुधवारी ( ३०) रोजी गिरणा नदीपुलावरून सौंदाण्याच्या दिशेने जात असताना अज्ञात ट्रॅक्टरच्या धक्क्याने अँपेरिक्षा नदीत कोसळली असून त्यात दोन जण जखमी झाले आहेत.
आप्पा कासार व मनू कासार रा लखमापूर ता बागलाण अशी जखमी पिता पुत्रांची नावे असून त्यांना पुढील उपचारासाठी मालेगाव येथे दाखल करण्यात आले आहे . अपघात स्थळी बघ्यांची एकच गर्दी जमा झाली होती. या पुलावर् संरक्षित कठडे नसल्याकारणाने असे अपघात सतत घडत असतात. बांधकाम विभागाने याची दखल घेऊन या पुलावर कठडे बांधावीत अशी मागणी करण्यात येत आहे. तसेच हा पूल अतिशय जीर्ण झाला असून त्याची देखील, दुरुस्ती करण्यात यावी अशी मागणी वाहनधारकांनी केली आहे .
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
