Breaking | नागपूर मध्ये सुरू असलेल्या हिवाळी अधिवेशनात सत्ताधारी आणि विरोधकांमध्ये जोरदार खडाजंगी सुरू आहे. दरम्यान, आता पुन्हा भाजप नेते नितेश राणे, आशिष शेलार आणि नाशिकचे पालकमंत्री दादा भुसे आणि यांनी उद्धव बाळासाहेब ठाकरे गटाचे नाशिकचे शहराध्यक्ष सुधाकर बडगुजर यांच्याबाबत एक महत्त्वाचा गौप्यस्फोट केला आहे. नितेश राणे यांनी विधानसभेत थेट फोटो दाखवत सुधाकर बडगुजर यांचे दहशतवादयांसोबत घनिष्ट संबंध असल्याचा आरोप केला आहे. दरम्यान, हे प्रकरण अत्यंत गंभीर असून या प्रकरणी एसआयटी चौकशी लावण्याचे आश्वासन यावेळी गृहमंत्री देवेंद्र फडणवीस यांनी दिले आहे.
नेमकं काय आहे प्रकरण..?
नाशिकचे उद्धव ठाकरे गटाचे शहराध्यक्ष सुधाकर बडगुजर हे १९९३ च्या बॉम्ब ब्लास्ट प्रकरणातील आरोपी सलीम कुत्ता सोबत एका पार्टी मध्ये नाचतानाचा एक कथित व्हिडिओ आणि काही फोटो हे आज भाजप आमदार नितेश राणे यांनी अधिवेशनात दाखवले आहेत. यावरून बडगुजर हे आरोपी सलीम कुत्ता याच्यासोबत काय करत होते? आणि यांचा एकमोकांशी नेमका काय संबंध? असा सवाल यावेळी उपस्थित करण्यात आला आहे. याबाबतचे फोटो दाखवत आमदार नितेश राणेंनी विधानसभेत ठाकरे गटाला जाब विचारला आहे.
Pune Crime | कारच्या धक्क्याने वाद… टोळक्याने केला तरुणावर हल्ला; भाच्यासमोर मामाची हत्या
कोण आहेत सुधाकर बडगुजर..?
सुधाकर बडगुजर हे नाशिकचे शिवसेना उद्धव बाळासाहेब ठाकरे गटाचे पदाधिकारी तसेच ते ठाकरे गटाचे नाशिक शहराध्यक्षदेखील आहेत. दहशतवादी अतिरेकी दाउदच्या एका जवळच्या सहकाऱ्यासोबत पार्टी करणं आणि अशा प्रकारचे जवळचे संबंध असणं ही अतिशय गंभीर बाब असल्याचा मुद्दा आज विधानसभेत चांगलाच गाजला.
बडगुजर बाहेर राहीला तर, अधिवेशनात नेते आक्रमक
दरम्यान, दादा भुसे यांनी या विषयावर बोलताना म्हटलं की, आताच्या घडीचा देशाचा एक नंबरचा शत्रू दाउद इब्राहीम याचा राईट हँड सलीम कुत्ता हा एक शार्पशुटर असून ठाकरेंचे नेते सुधाकर बडगुजर हे या सलीम कुत्ता सोबत पार्टी करत नाचत असल्याचा या व्हिडिओ आता समोर आलेला आहे. ह्या प्रकारानंतर सुधाकर बडगुजर बाहेर राहीला तर, पुन्हा १९९३ ची पुरावृत्ती व्हायला वेळ लागणार नाही असं म्हणत दादा भुसे यांनी चिंता व्यक्त केली आहे.
तसेच आता गृहमंत्री देवेंद्र फडणविसांनी या प्रकरणी चौकशी लावली तर, दूध का दूध पाणी का पाणी होईल तसेच अशा दहशतवादयांसोबत जर राजकीय पक्षांचे नेते पार्ट्या करायला लागले तर हे पुढे मात्र फार घातक ठरू शकतं असं अधिवेशनाबाहेर माध्यमांशी बोलताना आमदार नितेश राणे म्हणाले.
ज्या सलीम कुत्तामुळे शेकडो लोकं मेलीत त्याच्यासोबत पार्ट्या करणं ही अतिशय लाजिरवाणी बाब आहे. या कुत्ता-बिल्लीवर लवकरात लवकर कारवाई करा. ह्या फेक पेंग्विन पार्टीची चौकशी झालीच पाहिजे अशी मागणी भाजप नेते आशिष शेलार यांनी केली आहे.
पोट भरायला आला आणि आता कोटींचा मालक
ज्या आतंकवादी सलीम कुत्ताने मुंबईमध्ये बोंब स्फोट घडवले आणि ज्याच्यामुळे ७०० पेक्षा जास्त लोकानी आपले प्राण गमावले तसेच जो सेना भवन उडवण्याच्या कटात सामील होता… हा सुधाकर बडगुजर ठाकरे गटाचा नाशिकचा महानगरप्रमुख जो नाशिकमध्ये काही दिवसांपूर्वी पोट भरण्यासाठी आला होता आणि तो आता अचानक शेकडो कोटींचा मालक झाला. आता हा बडगुजर अशा देशद्रोह्यांसोबत डान्स आणि पार्ट्या करतोय तर त्यांच्या फार्महाउसवर ह्या अशा पार्ट्या चालतात. ही अतिशय गंभीर बाब असून याबाबत काही पुरावे नष्ट होण्याचीदेखील चिन्हे असताना याप्रकरणी तात्काळ कारवाई व्हावी अशी मागणी नाशिकचे पालकमंत्री दादाजी भुसे यांनी यावेळी केली आहे.
OLD Pension | नाशकात शासकीय आरोग्य कर्मचारी संपावर; आरोग्य व्यवस्था खोळंबली
हा बडगुजर पॅरोल वर बाहेर होता खरतर तो बाहेर असताना त्याला पार्टी करता येणं शक्य नसताना तरीही बडगुजर हा मुंबई बॉम्बस्फोटत सामील असलेल्या सलीम कुत्ता सोबत त्यांच्या फार्महाउस वर पार्ट्या करताना आणि नाचताना दिसतो. कुत्ता सोबत त्या संबधित व्यक्तीचा काय संबध आहे हे तपासले जाईल. ह्या प्रकरणाची SIT च्या मध्यामधून चौकशी केली जाईल असे आश्वासन यावेळी उपमुख्यमंत्री देवेंद्र फडणवीस यांनी दिले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
