Asian Games 2023| महिलांनंतर आता मेन्स टीम इंडियाकडून भारतीय चाहत्यांना सुवर्ण पदकाची आशा आहे. टीम इंडिया एशियन गेम्समध्ये ऋतुराज गायकवाड याच्या नेतृत्वात खेळणार आहे.वुमन्स क्रिकेट टिम इंडीयाने एशियन गेम्स 2023 स्पर्धेतील अंतिम सामन्यात श्रीलंकेचा धुव्वा उडवत ऊत्तम कामगिरी केली. हरमनप्रीत कौरच्या नेतृत्वात वुमन्स क्रिकेट टिमने गोल्ड मेडलवर आपलं नाव कोरलं. यानंतर आता मेन्स क्रिकेट टीम इंडिया एशियन गेम्समध्ये खेळण्यासाठी सज्ज झाली आहे. टीम इंडिया एशियन गेम्समध्ये खेळण्यासाठी चीनमध्ये पोहचली आहे. टीम इंडिया एथेलिट्स व्हिलेज इथे दाखल झालेला असुन ‘टीम इंडिया’ या ट्विटर हँडलवरुन याबाबतची माहिती देण्यात आलेली आहे. या ट्विटमध्ये टीम इंडियाचे 2 फोटो देखील शेअर करण्यात आले आहेत.
(Asian Games 2023)
युवांना संधी
टीम इंडियाचा मुख्य संघ हा रोहित शर्मा याच्या नेतृत्वात वर्ल्ड कप स्पर्धेची तयारी करतोय. त्यामुळे एशियन गेम्समध्ये अनेक युवा खेळाडूंना टीम इंडियात संधी देण्यात आलेली आहे. या युवा टीमच्या नेतृत्वाची जबाबदारी ही पुणेकर ऋतुराज गायकवाड याला देण्यात आली आहे. त्यामुळे एशियन गेम्समध्ये ऋतुराजच्या अनुभवाचा कस लागणार आहे.
Shirdi Temple: साईभक्तांना देणगीच्या बनावट पावत्या देऊन पैशांचा गैरव्यवहार
इंडियन टिमचा पहिला सामना केव्हा?
टीम इंडिया या स्पर्धेत थेट क्वार्टर फायनलमध्ये खेळणार आहे. टीम इंडियाने आयसीसी रँकिंगमधील स्थानाच्या जोरावर थेट क्वार्टर फायनलमध्ये जागा मिळवलेली आहे. टीम इंडियाचा क्वार्टर फायनलमधील सामना हा 3 ऑक्टोबर रोजी होणार आहे. मात्र या सामन्यात टीम इंडियासमोर कुणाचं आव्हान असणार हे अजून निश्चित झालेलं नाही.
आकाश दीपला संधी..
दरम्यान काही दिवसांपूर्वी एशियन गेम्स स्पर्धेच्या टीममधून ‘शिवम मावी’हा बाहेर झाला होता. शिवमला दुखापतीमुळे एशियन गेम्समधून बाहेर व्हावं लागलं. त्यामुळे शिवमच्या जागी आकाश दीप याला संधी देण्यात आलेली आहे.
IBD 3 : पुण्याच्या ‘समर्पण लामा’ने जिंकली ‘इंडियाज बेस्ट डान्सर 3’ची ट्रॉफी
एशियन गेम्स 2023 स्पर्धेसाठी मेन्स टीम इंडिया |
- ऋतुराज गायकवाड (कर्णधार)
- यशस्वी जयस्वाल
- राहुल त्रिपाठी
- तिलक वर्मा
- रिंकू सिंग
- जितेश शर्मा (विकेटकीपर)
- वॉशिंग्टन सुंदर
- शाहबाज अहमद
- रवी बिश्नोई
- आवेश खान
- अर्शदीप सिंग
- मुकेश कुमार
- आकाश दीप
- शिवम दुबे
- आणि प्रभसिमरन सिंग (विकेटकीपर)
राखीव खेळाडू | यश ठाकूर, साई किशोर, व्यंकटेश अय्यर, दीपक हुडा आणि साई सुदर्शन.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
