विकी गवळी
चांदवड: चांदवड कडून पिंपळगावच्या बाजार समितीत कांदे घेऊन येत असलेल्या पिकअप वाहनाला ट्रकने जोरदार धडक दिल्याने भीषण अपघात झाला असून या अपघातात पिकअप चालक जागीच ठार झाला आहे. पिंपळगाव पोलीस ठाण्यात अपघाताचा गुन्हा दाखल करण्यात आला आहे.
याबाबत पोलिस सूत्रांकडून मिळालेल्या अधिक माहितीनुसार चांदवड येथील शेतकरी सुनील श्रावण पाटील हे आपल्या पिकअप वाहन क्रमांक एम एच 41 जी 1587 ने शनिवार दिनांक २० रोजी पहाटे 5 च्या सुमारास पिंपळगाव बसवंत बाजार समितीत कांदे विकण्यासाठी येत असतांना लघुशंकेसाठी परिसरातील गुरुदत्त हॉटेल च्या जवळ थांबले असता पाठीमागून भरधाव वेगाने परिस्थितीकडे दुर्लक्ष करत येणारा ट्रक क्रमांक एच आर 55 ए.सी.9187 पिकअप वाहनांवर जोरदार येऊन आढळला.
या भीषण अपघाताची माहिती कळताच प्रकाश पावले रुग्णवाहिका घटनास्थळी दाखल झाली. मात्र अपघातात पीकअप चालक सुनील श्रावण पाटील त्यांच्या डोक्याला हाताला पोटाला पायाला गंभीर जखम झाल्याने त्यांचा जागीच मृत्यू झाला होता. या अपघाताची पिंपळगाव पोलीस ठाण्यात नोंद करण्यात आली असून अधिक तपास पोलीस निरीक्षक भाऊसाहेब पटारे यांच्या मार्गदर्शनाखाली पोलीस हवालदार संतोष ब्राह्मणे करत आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
