नाशिक येथील ब्राह्मणवाडे येथे मुलाच्या लग्नासाठी मुलगी बघून देणारा एका मध्यस्थाने एक लाख रुपये घेऊन फसवणूक केल्याची घटना घडली. याविरोधात पोलिसांत तक्रार दाखल केली असून, नवरीही माहेरी निघून गेल्याने या कुटुंबावर संकट ओढावले.
ब्राह्मणवाडे येथील इंदूबाई छबू गिते 65 यांनी उपवर मुलाच्या लग्नासाठी मुलगी शोधण्याकरिता साहेबराव विठ्ठल गिते यांना 1 लाख रुपये दिले होते. त्यानुसार साहेबरावने इंदूबाई मुलाचे एका मुलीसोबत लग्न लावून दिले. नवरी सासरी नांदत असताना काही दिवसांनी साहेबराव गिते तिला घेऊन गेले.
इंदूबाई व कुटुंबीयांनी सुनेला सासरी येण्याची विनंती करूनही तिने नकार दिल्याने तक्रार दाखल केली. यावर इंदूबाई यांनी साहेबराव यांच्याकडे मुलगी बघून देण्यासाठी दिलेले पैसे परत मागितले. मात्र, त्यांनी साफ नकार दिल्याने इंदूबाई गिते यांनी एमआयडीसी पोलिस ठाण्यात साहेबराव गिते यांच्याविरुद्ध फसवणुकीची तक्रार दाखल केली आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
