देवळा प्रतिनिधी : देवळा येथे महाराष्ट्र राज्य मराठी पत्रकार संघाच्या वतीने पत्रकार दिन साजरा करण्यात आला. यावेळी तालुका पत्रकार संघाची नूतन कार्यकारणीची निवड करण्यात आली . यावेळी सर्वानुमते राज्य मराठी पत्रकार संघाच्या तालुका अध्यक्ष पदी राजपाल आहिरे यांची तर सरचिटणीस पदी भिला आहेर यांची सर्वानुमते निवड करण्यात आली.
देवळा येथे गुरुवारी( दि ६ ) रोजी दर्पणकार आचार्य बाळशास्त्री जांभेकर यांच्या जयंतीनिमित्त जेष्ठ पत्रकार नितीन शेवाळकर तत्कालीन अध्यक्ष खंडू मोरे यांच्या अध्यक्षतेखाली राज्य पत्रकार संघाची बैठक आयोजित करण्यात आली होती. बैठकीत दिवंगत पत्रकार डी एम जगताप ,मिलिंद पगार ,अमित पाटील ,अनाथांची माय सिंधुताई सपकाळ यांना श्रद्धांजली अर्पण करण्यात आली . उपस्थित मान्यवरांच्या हस्ते आचार्य दर्पणकार बाळशास्त्री जांभेकर यांच्या प्रतिमेचे पूजन करून अभिवादन करण्यात आले . यानंतर पत्रकार संघाची आढावा बैठक घेण्यात येऊन नवीन कार्यकारणी घोषित करण्यात आली .
यात अध्यक्षपदी – राजपाल आहिरे,(पुण्यनगरी ) उपाध्यक्ष – देविदास बोरसे (सकाळ ),संजय देवरे(गांवकरी ) ,सरचिटणीस – भिला आहेर,(पुढारी ) चिटणीस -योगेश सोनवणे(सकाळ ) ,खजिनदार -अनिल सावंत,(सकाळ ) सह खजिनदार – मनीष ब्राम्हणकार(गावकरी ) ,संघटक – महेश शिरोरे (पुढारी ),संपर्क प्रमुख – विनोद देवरे,(गावकरी )कार्याध्यक्ष – मोठाभाऊ पगार,(सकाळ )जिल्हा कार्यकारणी सदस्य – पंडित पाठक (लोकमत ) आदींची सर्वानुमते निवड करण्यात आली .
यावेळी जेष्ठ पत्रकार पत्रकार भगवान देवरे, बाजीराव सूर्यवंशी, प्रा गोरख निकम, महेश सोनकुळे, संजय देवरे, सोमनाथ जगताप ,दिनेश जाधव आदींसह बाबा पवार, उद्धव भामरे, राजेंद्र पवार , अविनाश महाजन, मोठाभाऊ मोरे,सुभाष मोरे, शुभानंद देवरे, विष्णू शेवाळे , दिनेश शेवाळे , शरद पवार आदी पत्रकार संघाचे सदस्य उपस्थित होते .
नूतन कार्यकारिणीचे प्रदेशाध्यक्ष वसंतराव मुंडे ,प्रदेश सरचिटणीस विश्वासराव आरोटे ,दिनकर रायकर,भारतकुमार राऊत ,राजा माने ,राजीव खांडेकर ,किरण ठाकूर ,विश्वास देवकर ,अरविंद सिंगोटे आदींनी अभिनंदन केले आहे .
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
