सोमनाथ जगताप- प्रतिनिधी: देवळा | देवळा सटाणा रस्त्यावर आहेरवस्ती नजीक रविवारी (दि. २२) रोजी दुपारी साडे तीन वाजेच्या सुमारास आयशरच्या धडकेत दुचाकी वरील मजूर महिला जागीच ठार झाली असून, पोलिसांनी वाहनासह चालक ताब्यात घेऊन गुन्हा दाखल केला आहे.
Deola | राष्ट्रीय चर्मकार महासंघाच्या ग्रामीण जिल्हा अध्यक्षपदी मधुकर अहिरे यांची नियुक्ती
देवळा-सटाणा मार्गावर अपघात
याबाबत देवळा पोलिसांकडून मिळालेली माहिती अशी की, रविवारी ( दि.२२) रोजी दुपारी साडे तीन वाजेच्या सुमारास विठेवाडी ता. देवळा येथील मजूर (नवरा बायको) आपल्या दुचाकी वरून माळवाडी येथून कामावरून घरी जात असतांना देवळा सटाणा मार्गावर आहेर वस्ती नजीक देवळ्याच्या दिशेने येत असलेल्या आयशर वाहनाने दुचाकीला जबर धडक दिल्याने मोटारसायकल वरील अरुणा (शैला) तातू गवळी (३५) ही महिला जागीच ठार झाली.
मयत महिलेचे पती मोटरसायकल चालक किरकोळ जखमी झाल्याची माहिती समजते. अपघात ग्रस्त आयशर वाहन चालकासह पोलिसांनी ताब्यात घेतले असून, अपघाताचा गुन्हा दाखल करण्यात आला आहे. अधिक तपास सपोनि दीपक पाटील यांच्या मार्गदर्शनाखाली सुरू आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
