Water Supply Shortage : अर्धा पावसाळा संपत आला तरी पुण्यात अद्याप जोरदार पाऊस झालेला नाही. परिणामी जिल्ह्यातील धरणांतील पाणीसाठी कमी होत आहे.
Mumbai Breaking: एपीमसी मार्केट मधील घटना सीसीटिव्हीत कैद, चोरट्यांचा टोमॅटोवर डल्ला
अर्धा पावसाळा संपत आलेला असताना पुण्यात अद्याप जोरदार पाऊस झालेला नाही. परिणामी पुण्यात आधीच दर आठ दिवसांनी पाणीपुरवठा होत असताना आता शहरात आणखी पाणीकपात होण्याची शक्यता आहे.
पुणे शहराला पाणीपुरवठा करणाऱ्या चार धरणांत केवळ २८ टक्के पाणीसाठा उरल्याने पाण्याचं नियोजन करण्यासाठी लवकरच पुन्हा पाणीकपात केली जाणार असल्याचे संकेत पुणे महापालिकेच्या अधिकाऱ्यांनी दिले आहे.
जुलै महिन्याच्या तिसऱ्या आठवड्यापर्यंत शहरातील स्थिती लक्षात घेतल्यानंतर पाणीकपातीचा अंतिम निर्णय घेतला जाणार असल्याचं पालिकेतील जलविभागाच्या अधिकाऱ्यांनी सांगितलं आहे. त्यामुळं आता आधीच पाणीकपातीने हैराण झालेल्या पुणेकरांच्या अडचणी वाढण्याची शक्यता आहे.
Mumbai breaking: सेल्फिचा नाद जीवावर बेतला,महिला समुद्रात वाहून गेली..
सध्या पुणे शहरात आठवड्यातून एक दिवस म्हणजेच केवळ गुरुवारी पाणीपुरवठा बंद केला जातो. अन्य दिवसांत पाणीपुरवठा सुरळीत केला जातो. परंतु पुणे शहराला पाणीपुरवठा करणाऱ्या चार धरणांतील पाणीसाठा सातत्याने कमी होत आहे.
त्यामुळे येत्या काही दिवसांत पुण्यात आणखी पाणीकपात केली जाणार असल्याचं पुणे महापालिकेच्या अधिकाऱ्यांनी सांगितलं आहे. पुण्याला मुळा-मुठा, खडकवासला आणि पानशेत या धरणांतून पाणीपुरवठा केला जातो. येत्या काही दिवसांत पुणे शहर परिसरात मुसळधार पाऊस झाल्यास धरणांच्या पाणीपातळीत वाढ होणार आहे. त्यामुळे आता पुणेकरांना पुढील आठवड्यात जोरदार पावसाची अपेक्षा आहे.
पुण्यातील अनेक भागांमध्ये दर गुरुवारी पाणीपुरवठा बंद केला जातो.मात्र आता आगामी काळात पुण्यात दोन ते तीन दिवस पाणीकपात होण्याची शक्यता आहे.
जून महिन्याच्या अखेरचा आठवडा वगळता अद्याप पुणे जिल्ह्यात पावसाने जोर धरला नव्हता. जुलै महिन्यातही पावसाने सरासरी गाठली नव्हती. त्यानंतर आता पुणे शहर तसेच जिल्ह्यात येत्या आठवड्याभरात जोरदार पाऊस होणार असल्याचा अंदाज हवामान खात्याने वर्तवला आहे.
आतापर्यंत पुण्यात केवळ हलका ते मध्यम स्वरूपाचा पाऊस झाला होता. शिवाजीनगर, पाषाण, कोथरुड, बावधन, वडगावशेरी आणि हडपसर या भागांमध्ये अद्यापही जोरदार पाऊस झालेला नाही. तसेच जिल्ह्यातील मुळशी, आंबेगाव, बारामती, इंदापूर, शिरुर आणि शिवापूर या तालुक्यांमध्येही अपेक्षित पाऊस झालेला नाही. पण निसर्गाच्या लहरीपणामुळं त्याचा पुणेकरांना मोठा फटका बसण्याची शक्यता आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
