Vande Bharat Express Train वंदे भारत एक्सप्रेस ट्रेनबाबत भारतीय रेल्वे वेगाने काम करत आहे. या ट्रेनने देशात हायस्पीड ट्रेन म्हणून आपला ठसा उमटवला आहे. आता महाराष्ट्राला पाचवी वंदे भारत एक्सप्रेस ट्रेन मिळणार आहे. तसेच राज्यात 4 वंदे भारत एक्सप्रेस गाड्या आधीच धावत आहेत. आता जाणून घ्या ही ट्रेन कोणत्या मार्गासाठी निवडली आहे.
मंत्री रावसाहेब दानवे यांनी माहिती दिली याबाबतची माहिती रेल्वे राज्यमंत्री रावसाहेब दानवे यांनी महाराष्ट्रातील आमदारांच्या शिष्टमंडळाला दिली आहे. लवकरच मुंबई-गोवा मार्गावर वंदे भारत सेमी-हायस्पीड एक्स्प्रेस धावणार असल्याचे मंत्री दानवे यांनी आमदारांना सांगितले आहे. कोकण पदवीधर मतदारसंघाचे प्रतिनिधित्व करणारे महाराष्ट्र विधान परिषदेचे सदस्य निरंजन डावखरे यांनी ही माहिती दिली आहे.
गोव्याला जाणारी पहिली वंदे भारत एक्सप्रेस यावेळी मंत्री दानवे यांनी शिष्टमंडळाला सांगितले की, मुंबई ते गोवा दरम्यान वंदे भारत एक्स्प्रेस धावणार आहे. ही महाराष्ट्रासाठी पाचवी आणि गोव्यासाठी पहिली वंदे भारत एक्स्प्रेस ठरेल. दरम्यान आमदारांच्या शिष्टमंडळाने दानवे यांची भेट घेतली आहे. दानवे म्हणाले की, मुंबई-शिर्डी आणि मुंबई-सोलापूर मार्गावर नुकत्याच सुरू झालेल्या एक्स्प्रेस गाड्यांच्या धर्तीवर मुंबई ते गोवा दरम्यानही एक रेल्वे धावणार आहे.
मुंब्रा स्थानकाचे नाव बदलण्याची मागणी मुंबई-गोवा रेल्वे मार्गाचे विद्युतीकरण पूर्ण झाल्याचे मंत्री म्हणाले. यासोबतच तपासणीनंतर नवीन रेल्वे सेवा सुरू होणार आहे. शिष्टमंडळाने ठाणे आणि कोकण विभागातील रेल्वेच्या अनेक मुद्द्यांवर मंत्र्यांशी बैठकीत चर्चा केली. ठाण्यातील मुंब्रा स्थानकाचे नाव बदलून मुंब्रा देवी स्थानक करण्याची मागणीही आमदारांनी केली आहे. राज्य सरकारने याबाबतचा प्रस्ताव मांडल्यानंतर निर्णय घेतला जाईल, असे आश्वासन दानवे यांनी दिले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
