Nagpur MLC Election Result 2023: महाराष्ट्र विधान परिषदेच्या पाच जागांसाठी झालेल्या निवडणुकीच्या मतमोजणीला २ फेब्रुवारी सकाळी ८ वाजता सुरुवात झाली. शिक्षक मतदारसंघातील तीन आणि पदवीधर मतदारसंघातील दोन अशा पाच परिषद सदस्यांचा सहा वर्षांचा कार्यकाळ 7 फेब्रुवारी रोजी संपेल आणि आगामी रिक्त पदे भरण्यासाठी 30 जानेवारी रोजी मतदान घेण्यात आले. आत्तापर्यंतच्या ट्रेंडमध्ये MVA (महा विकास आघाडी) ने नागपुरात बाजी मारली आहे.
नागपुरात पहिली फेरी संपल्यानंतर महाविकास आघाडीचे सुधाकर अडबळे आघाडीवर होते त्यांनी आता आपला विजय संपादन केला असून भाजपच्या मातृसंस्थेत मोठा धक्का भाजपाला बसला आहे. अमरावती विभागातून महाविकास आघाडीचे उमेदवार धीरज लिंगाडे विजयी झाले असून भाजपचे उमेदवार रणजित पाटील यांचा दारुण पराभव झाला आहे.
कोणाला किती मते मिळाली?
नागपूर विभाग शिक्षक मतदारसंघातील पहिल्या फेरीच्या अधिकृत आकडेवारीबद्दल बोलायचे झाल्यास सुधाकर अडबळे यांना १४०६९, नागो गनर यांना ६३६६, राजेंद्र जडे यांना २७४२, सतीश यांना ६० मते मिळाली. पहिल्या फेरीअखेर विदर्भ माध्यमिक शिक्षक संघ आणि महाविकास आघाडीचे समर्थन असलेले सुधाकर अडाबळे 7 हजार 703 मतांनी आघाडीवर होते.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
