देवळा : विधानपरिषदेच्या नाशिक पदवीधर मतदारसंघात आज झालेल्या निवडणुकीत देवळा तालुक्यात ५२.१३ टक्के मतदान झाले. २३९२ मतदारांपैकी १२४७ मतदारांनी आपला मतदानाचा हक्क बजावला.
तालुक्यात जिल्हा परीषद मराठी मुलींची शाळा देवळा येथे दोन तर उमराणे येथे एक अशा तीन मतदान केंद्रांवर शांततेत मतदान झाले. त्यात देवळा येथील पहिल्या मतदान केंद्रावर १००० पैकी ६२२ ( ६२.२० % ), दुसर्या मतदान केंद्रावर १०५९ पैकी ४५८ ( ४३.२५ % )व उमराणे येथील मतदान केंद्रावर ३३३ पैकी १६७ ( ५०.१५ % )असे तिन्ही केंद्रांवर एकूण ५२.१३ टक्के मतदान झाले. ९८८ पुरूष व २५९ महिला पदविधा मतदारांनी आपला मतदानाचा हक्क बजावला १६ उमेदवार व शेवटचा ‘नोटा’ पर्याय अशा १७ रकान्यांची अडीच फुटांची मतपत्रिका मतदारांच्या चर्चेचा विषय राहिली.
पोलिसांनी चोख बंदोबस्त ठेवला. याठिकाणी महाविकास आघाडी , भाजप आदींसह इतर उमेदवारांचे पदाधिकारी व कार्यकर्ते उपस्थित होते .
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
