धर्मांतराच्या आरोपावरून चर्चवर हल्ला; गाडीही पेटवली

देशात धर्मांध चळवळ वाढली असून धर्मांतराचे लोन देशभरात पोहचले आहे, तरनतारन येथे रात्री उशिरा काही लोकांनी चर्चची तोडफोड सुरू केली आणि तेथील प्रभु येशू आणि मदर मेरी यांच्या मूर्ती फोडल्या. चर्चमध्ये उभ्या असलेल्या एका कारला आग लावण्यात आली. ही सर्व घटना सीसीटीव्ही कॅमेऱ्यात कैद झाली आहे.

जबच्या तरन तारण जिल्ह्यात, बुधवारी रात्री लोकांच्या एका गटाने जबरदस्तीने स्थानिक चर्चमध्ये घुसून प्रभु येशू आणि मदर मेरी यांच्या मूर्तींची तोडफोड केली. एवढेच नाही तर पुजाऱ्याची गाडीही पेटवून दिली आहे.

घटनास्थळावरून समोर आलेल्या फोटोंमध्ये आगीत गुरफटलेली कार आणि चर्चमधील एक तुटलेला पुतळा दिसत आहे. पंजाबमधील तरनतारन येथील एका चर्चमध्ये रात्री उशिरा काही लोक घुसले आणि त्यांनी तोडफोड सुरू केली आणि तेथील प्रभु येशू आणि मदर मेरी यांच्या मूर्तीची मोडतोड केली. चर्चमध्ये उभ्या असलेल्या एका कारला आग लावण्यात आली. ही सर्व घटना सीसीटीव्ही कॅमेऱ्यात कैद झाली आहे. या घटनेची माहिती मिळताच पोलीसही घटनास्थळी दाखल झाले असून तपास करत आहेत. तरनतारन जिल्ह्यातील पट्टीच्या ठाकरपूर गावात ही घटना घडली. अकाल तख्तच्या जथेदारांनी ख्रिश्चन मिशनर्‍यांच्या “जबरदस्तीच्या धर्मांतर” विरोधात निवेदन जारी केले त्या दिवशी ही घटना घडली.

ग्यानी हरप्रीत सिंह यांनी मंगळवारी फेसबुक लाईव्ह व्हिडिओमध्ये म्हटले होते की पंजाबमधील शीख आणि हिंदूंची दिशाभूल केली जात आहे, तथाकथित ख्रिश्चन मिशनरी शिखांचे धर्मांतर करत आहेत. हे सरकारच्या नाकाखाली सुरू आहे. व्होट बँकेच्या राजकारणामुळे त्यांच्यावर (मिशनरी) कारवाई करायला कोणतेही सरकार तयार नाही. या वक्तव्याचा परिणाम म्हणून या हल्ल्याकडे पाहिले जात आहे. राज्यातील ख्रिश्चन मिशनऱ्यांच्या कथित धर्मांतराच्या प्रयत्नांविरोधात शीख नेते आवाज उठवत आहेत.

ग्यानी हरप्रीत सिंग यांनी केंद्राला ‘यावर ताबडतोब नियंत्रण’ करण्याचे आवाहन केले आणि सांगितले की, या धार्मिक मोहिमा चालवण्यासाठी परकीय निधी येत असल्याचे आम्हाला समजले आहे.

तरनतारन जिल्ह्यातील पट्टी विधानसभा मतदारसंघातील ठाकरपूर गावातील ही घटना आहे. या मुद्द्यावर निहंग शीखांनीही नुकताच विरोध केला होता. निहंगांचे समर्थन करत अकाल तख्तने म्हटले आहे की “बनावट पुजारी” शिखांची दिशाभूल करत आहेत आणि धर्मांतरित करत आहेत. “या ‘बनावट पुजार्‍यांवर’ ब्लॅक मॅजिक कायद्यान्वये गुन्हा दाखल करावा,” असे शीख संघटनेने म्हटले आहे.