Savarkar Poster Controversy: कर्नाटकातील शिमोगा येथे स्वातंत्र्यदिनी सावरकर आणि टिपू सुलतान यांच्या पोस्टर वादावरून हिंसक हाणामारी झाली. एका तरुणावर चाकूने हल्ला करण्यात आला. जखमी अवस्थेत त्यांना रुग्णालयात दाखल करण्यात आले. परिस्थिती अनियंत्रित होत असल्याचे पाहून प्रशासनाने शहरात १८ ऑगस्टपर्यंत संचारबंदी लागू केली आहे. आज शहरातील सर्व शाळा, महाविद्यालये बंद राहणार आहेत.
टिपू सुलतानला मांननाऱ्या काही लोकांनी शहरातील अमीर अहमद सर्कलमधील एका खांबावरून सावरकरांचे पोस्टर उखडून टाकल्यानंतर पोलिस घटनास्थळी पोहोचले. पोलिसांनी लोकांचा पाठलाग करून लाठीमार केला. हिंदुत्ववादी संघटनांशी संबंधित लोकांनी तेथे सावरकरांचे पोस्टर लावले होते, मात्र काही वेळाने काही मुस्लिम तरुण टिपू सुलतान आर्मीचा झेंडा घेऊन तेथे पोहोचले आणि त्यांनी ते चित्र हटवण्याचा प्रयत्न सुरू केला. या मुद्द्यावरून हिंदू आणि मुस्लिम तरुणांमध्ये जोरदार वादावादी झाली आणि त्याचे रुपांतर हाणामारीत झाले. पोस्टर उखडल्यावर एकच गोंधळ उडाला. त्या जागेवर आधीच तिरंगा फडकत होता.
शिमोगामध्ये 18 ऑगस्टपर्यंत कर्फ्यू
पोस्टर उखडण्यावरून झालेल्या हिंसक संघर्षात प्रेम सिंग नावाच्या २६ वर्षीय मुलावर चाकूने वार करण्यात आले. पोलिसांनी कडक कारवाई करत गोंधळ घालणाऱ्या काही लोकांना ताब्यात घेतले. यानंतर शिमोगा शहरात 18 ऑगस्टपर्यंत कलम 144 लागू करण्यात आले होते जेणेकरून गोंधळावर नियंत्रण मिळवता येईल.
स्थानिक प्रसारमाध्यमांनी दिलेल्या माहितीनुसार घटनास्थळावरून सावरकरांच्या फोटोऐवजी टिपू सुलतानचा फोटो लावण्यात आला, त्यामुळे वाद झाला. घटनास्थळी मोठा पोलीस बंदोबस्त तैनात करण्यात आला होता. हा गोंधळ पाहता कर्नाटकचे गृहमंत्री अराग ज्ञानेंद्र शिमोगाला भेट देणार असल्याचे बोलले जात आहे. सध्या शहरात प्रचंड तणावाचे वातावरण असून नागरिकांना शांतता राखण्याचे आवाहन करण्यात आले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
