खर्डेत सेवानिवृत्त सैनिक भारत आहिरे यांचे मिरवणुकीद्वारे जंगी स्वागत

देवळा ; खर्डे ता देवळा येथील सेवानिवृत्त सैनिक भारत कडू आहिरे यांची सजवलेल्या जीप वरून संपूर्ण गावातून भव्य वाजत गाजत मिरवणूक काढण्यात आली . येथील भारत कडू आहिरे हे भारतीय सैन्य दलात १७ वर्षाच्या सेवेनंतर दि ३० एप्रिल रोजी सेवानिवृत्त झाले . आहिरे यांचे ३ मे रोजी खर्डे गावांत आगमन होताच त्यांचे भव्य स्वागत करण्यात आले .

यावेळी संपूर्ण गावातून मिरवणूक काढण्यात आली . आपल्या गावातील भूमिपुत्र १७ वर्ष देशसेवा करून सेवानिवृत्त होऊन आपल्या माय भूमीत येत असल्याने गावकऱ्यांनी आहिरे यांच्या स्वागताची जय्यत तयारी केली होती .मिरवणुकीत ठिकठिकाणी भारत आहिरे यांचे सपत्नीक औक्षण करण्यात येऊन सत्कार करण्यात आला . मिरवणुकीत तरुण ,आबालवृद्ध ,महिला मोठ्या संख्येने सहभागी झाले होते . यावेळी आजी माजी सैनिक तसेच राजकीय, सामाजिक व शैक्षणिक क्षेत्रातील मान्यवर उपस्थित होते .