पीएम किसान ही योजना जेव्हा नव्याने सुरू करण्यात आली तेव्हा राज्यातील सुमारे १ कोटी १९ लाख शेतकऱ्यांनी या योजनेसाठी नोंदणी केली होती. त्यांपैकी ९५ लाख शेतकरी पात्र ठरले होते . पण, वरील अटींची पूर्तता न केल्यामुळे १३ व्या व १४ व्या हप्त्यात त्यापैकी ८५ लाख ६० हजार शेतकऱ्यांना पीएम किसान योजनेचा लाभ मिळाला. १५ व्या हप्त्यासाठी ई-केवायसीची अट ही आता अनिवार्य करण्यात आली आहे.
९५ लाखांपैकी मयत, कर भरणारे तसेच इतर कारणांनी रद्द करून ९२.८७ लाख शेतकरी पात्र ठरले आहेत. मात्र, त्यांपैकी ८२.५९ लाख शेतकऱ्यांचे ई-केवायसी पूर्ण झालेले होते. दरम्यान, कृषीविभागाने ग्रामपंचायत पदाधिकारी, कृषीमित्र, यांच्यासोबत पदाधिकाऱ्यांनी कॅम्प घेऊन, गावोगावी बांधावर जाऊन १३ लाख ४५ हजार शेतकऱ्यांचे ई-केवायसी प्रमाणीकरण केले.
यामध्ये बँक खाते संलग्न करणे, भूमिअभिलेख नोंदी पूर्ण करून अद्ययावत करून घेणे व इतर अटींची पूर्तता करून घेतली होती. यामध्ये ९.५८ लाख शेतकऱ्यांचे ई-केवायसी पूर्ण करणे, २.५८ लाख शेतकऱ्यांचे खाते आधार कार्डसोबत संलग्न करणे, १.२९ लाख शेतकऱ्यांचे भूमिअभिलेख नोंदी अद्ययावत करणे याबाबतचे कामकाज पूर्ण झाले आहे.
उदया मिळणार हप्ता…
याबाबत राज्य शासनाने घोषित केलेल्या नमो किसान महासन्मान योजनेच्या माध्यमातून राज्यातील सुमारे ८६ लाख शेतकऱ्यांना २ हजार रुपये याप्रमाणे पहिला हप्त्या मिळणार आहे. गुरुवारी (ता .२६ ) रोजी शिर्डी येथे होणाऱ्या कार्यक्रमात प्रधानमंत्री नरेंद्र मोदी यांच्या हस्ते एका क्लिकवर ह्या रककमेचे वितरण शेतकऱ्यांना करण्यात येणार आहे. या योजनेसाठी कृषी विभागाने १,७२० कोटी रुपयांचा निधी उपलब्ध करून दिल्याची माहिती राज्याचे कृषीमंत्री धनंजय मुंडे यांनी दिली आहे.
