द पॉईंट नाऊ प्रतिनिधी (बागलाण) : बागलाण तालुक्यातील केरसाने-मुंगसे रस्त्यावर दोन दुचाकींचा अपघात होऊन एकाला आपला जीव गमवावा लागल्याची घटना घडली आहे. देवा दलपत माळी असे मृत व्यक्तीचे नाव असून, ते द्याने येथील राहणारे आहेत.
याबाबत अधिक माहिती अशी की, केरसाने-मुंगसे रस्त्यावर देवा दलपत माळी हे पत्नी सविता माळी यांच्या समवेत दुचाकीने (MH 41 P 2721) जात असताना, वेगात आलेल्या दुसऱ्या दुचाकी (MH 41 BC 9718) चालकाने त्यांच्या दुचाकीस समोरून जोरदार धडक दिली. या धडकेत देवा माळी यांचा मृत्यू झाला, तर सविता माळी या जखमी झाल्या आहेत.
दरम्यान, धडक देणारा हा दुचाकी चालक तेथून पसार झाला. याप्रकरणी सविता माळी यांच्या फिर्यादीवरून संबंधित दुचाकी चालकाविरोधात गुन्हा दाखल करण्यात आला आहे.
आपली वाहने हळू चालवा असे वारंवार सर्वांना आवाहन केले जाते. मात्र तरुण वर्ग हा बहुतांश वेळा वेगात दुचाकी चालवतो. मात्र या प्रकारामुळे बागलाण तालुक्यात एकाला नाहक आपला जीव गमवावा लागला.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
