द पॉईंट नाऊ प्रतिनिधी ; नाशिक येथील मध्यवर्ती कारागृहात (Central Jail)एका खुनाच्या आरोपाखाली शिक्षा भोगत असलेल्या कैद्यांने झाडाला चादर व अंगातील बनियानच्या सहाय्याने दोरी करून गळफास घेऊन आत्महत्या (Suicide) करण्याचा प्रयत्न केला. यामुळे एकच खळबळ उडाली असून याप्रकरणी कैदी विरुद्ध गुन्हा दाखल करण्यात आला आहे. व या मागचे कारण काय याचा तपास पोलीस करत आहेत.
आरोपी सुलतान भिकन तडवी (Sultan Tadvi) हा कैदी नाशिक येथील मध्यवर्ती कारागृहात खुनाच्या (Murder) आरोपाखाली शिक्षा भोगत आहे. या कैद्याने वैतागून मध्यवर्ती कारागृहात असलेल्या मंडल सात यार्ड क्रमांक 2 बॅरेक क्र. २ च्या पाठीमागे असलेल्या पिंपळाच्या झाडावर फांदीला बनियान व पांघरलेल्या चादर यांची एक दोरी बनवून गळफास घेऊन आत्महत्या करण्याचा प्रयत्न केला. यामुळे जेल प्रशासन खडबडून जागे झाले व अनर्थ टळला.
आत्महत्या करतोय ही घटना इतर बंदिवान व कारागृहातील कर्मचाऱ्यांना समजताच त्यांनी त्याला आत्महत्या करण्यापासून रोखले. याप्रकरणी नाशिकरोड पोलीस ठाण्यात (Nashikroad) घनश्याम बाळू मोहन यांनी तक्रार दाखल केली आहे. पुढील तपास सहाय्यक पोलीस निरीक्षक शेळके करत आहेत. अशा आत्महत्या होत असतील किंवा असे प्रयत्न सुरक्षेसाठी मात्र धोकादायक आहेत.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
