द पॉईंट नाऊ प्रतिनिधी ; देवळा येथील कला शिक्षक भारत पवार यांना भगवान बिरसा मुंडा यांच्या जयंतीचे औचित्य साधून आदिम रत्न पुरस्कार देऊन गौरविण्यात आले. (दि.१५) रोजी हनुमंतपाडा ता.बागलाण येथे महाराष्ट्र राज्य आदिवासी बचाव अभियान आयोजित भगवान बिरसा मुंडा जयंती व राष्ट्रीय आदिवासी युवा दिनानिमित्त गुणगौरव समारंभ कार्यक्रम आयोजित करण्यात आला होता .
याप्रसंगी देवळा एज्युकेशन सोसायटीचे कलाशिक्षक चित्रकार भारत पवार यांना आदिवासी बचाव अभियानचे केंद्रीय अध्यक्ष अशोक बागुल,बागलाणचे आमदार दिलीप बोरसे , जि प सदस्य गणेश अहिरे ,सटाण्याचे पोलीस निरीक्षक पारधी ,राम चौरे आदीं मान्यवरांच्या हस्ते आदिम रत्न पुरस्कार देऊन गौरविण्यात आले.
याबद्दल संस्थेचे अध्यक्ष प्राचार्य हितेंद्र आहेर ,सचिव गंगाधर शिरसाठ , माजी समाजकल्याण सभापती उषाताई बच्छाव ,मुख्याध्यापक दिलीप आहेर , एस टी पाटील आदींनी अभिनंदन केले आहे .
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
