आरक्षण नाही तर निवडणूक नाही ; देवळा तहसीलदारांना निवेदन

देवळा प्रतिनिधी : मा.सर्वोच्च न्यायालयाने स्थानिक स्वराज्य संस्थेतलं २७ टक्के आरक्षण स्थगित करण्याबाबत दिलेल्या निर्णयामुळे केवळ महाराष्ट्र राज्यातच नाही तर देशभरातील ओबीसी समाजाचे राजकीय आरक्षण धोक्यात आलेले आहे.परंतु याच कालावधीत राज्यातील अनेक जिल्हा परिषद, नगरपालिका व महानगरपालिकेच्या निवडणुका होणार आहे. या निवडणुका आरक्षण पूर्ववत होण्याच्या अगोदर घेतल्या गेल्या तर राज्यभरातील ओबीसींच्या हक्कांवर यामुळे गदा निर्माण होणार आहे.

ओबीसी समाजाला याचा फटका बसू नये म्हणून अखिल भारतीय महात्मा फुले समता परिषदेच्या वतीने संघटनेचे राष्ट्रीय अध्यक्ष मंत्री छगन भुजबळ व माजी खासदार समीर भुजबळ यांच्या नेतृत्वाखाली देवळा येथे अखिल भारतीय महात्मा फुले समता परिषदेच्या वतीने तहसीलदार विजय सूर्यवंशी यांना ओबीसी समाजाच्या राजकीय आरक्षणाचा प्रश्न मार्गी लागेपर्यंत आगामी जिल्हा परिषद, महानगरपालिकासह स्थानिक स्वराज्य संस्थांच्या निवडणूक न घेणेबाबत निवेदन सादर केले . यावेळी करतांना जिल्हा सरचिटणीस मनोहर (आबा )खैरनार , ओ. बी.सी.सेल तालुका अध्यक्ष सुरेश जगदाळे, विशाल आहेर ,शहराध्यक्ष ,विजय जाधव ,दशरथ बच्छाव आदी उपस्थित होते .