Ram Mandir | राज्यात हे घडतंय काय..?; अयोध्येला निघालेल्या ट्रेनवर दगडफेक

Ram Mandir |  गेल्या महिन्यात २२ तारखेला अयोध्या येथे राम मंदिराचे उद्घाटन आणि लोकार्पण सोहळा पार पडला. यावेळी अयोध्येत मोठ्या प्रमाणात रामभक्त आले होते. यामुळे अयोध्येत मोठी गर्दी जमल्याने अनेकांना तेथे जाणे जमले नाही. त्यामुळे गर्दी कमी झाली की, मग जाऊ असा अनेकांचा मानस होता. दरम्यान, यासाठी आता अनेक राज्यांतून विशेष रेल्वे आणि बस ह्या आयोध्येकडे जाणाऱ्या भाविकांसाठी सुरू करण्यात आल्या आहेत.

यांना नगरिकांकडूनही मोठ्या प्रमाणात प्रतिसाद मिळत असून, याबाबतच एक धक्कादायक माहिती समोर आली आहे. यात आयोध्येच्या दिशेने निघालेल्या एका ट्रेनवर महाराष्ट्रात काल रात्रीच्या सुमारास दगडफेक झाल्याची घटना घडली आहे. सूरतहून अयोध्येच्या दिशेने  निघालेल्या या ‘आस्था स्पेशल ट्रेन’वर दगडफेक झाली आहे. अचानक घडलेल्या या प्रकारामुळे प्रवासी घाबरले होते. दरम्यान, त्यांनी प्रसंगावधान राखत लगेच दार, खिडक्या बंद केल्या.(Ram Mandir)

Ram Mandir | रामलल्ला आता तंबूत नाही, दिव्य मंंदिरात राहतील – पं. नरेंद्र मोदी

Ram Mandir | नेमकं प्रकरण काय..?

सूरतकडून अयोध्येकडे जाणाऱ्या आस्था विशेष ट्रेनवर काही समाजकंटकांनी रविवारी जोरदार दगडफेक केली. सूरतहून रात्री आठ वाजेच्या सुमारास ही ट्रेन अयोध्येला जाण्यासाठी निघाली होती. ही ट्रेन नंदूरबार येथे पोहोचताच रात्री १०.४५ वाजेच्या सुमारास अचानक ही दगडफेक सुरु झाली. यामुळे ट्रेनमधील प्रवासी काहीकाळ बिथरले होते. त्यांनी तातडीने ट्रेनचे सर्व दरवाजे, खिडक्या बंद केल्या मात्र, तरीही अनेक दगड ही ट्रेनच्या आत येऊन पडले. अद्याप तरी या दगडफेकीत कोणी जखमी झाल्याची माहिती समोर आली नाही.