Political News | बहुजन विकास आघाडीकडून विनोद तावडेंवरती गंभीर स्वरूपाचे आरोप करण्यात आले असून विरार येथील हॉटेलात विनोद तावडे पैसे वाटप करत असल्याचा आरोप करत बहुजन विकास आघाडीच्या कार्यकर्त्यांनी विनोद तावडे यांना घेरले होते. बहुजन विकास आघाडीच्या हितेंद्र ठाकूर यांच्याकडून विनोद तावडेंवर पैसे वाटपाचा आरोप करण्यात आला होता. सकाळपासून हे राजकीय नाट्य सुरू असून आता यात मोठा ट्विस्ट आला आहे. बहुजन विकास आघाडीचे डहाणूचे उमेदवार सुरेश पाडवी यांनी आज भाजपमध्ये प्रवेश केला आहे.
सुरेश पडवींचा भाजपत प्रवेश
या प्रवेशामुळे ‘बविआ’ला डहाणूमध्ये मोठा धक्का बसला असून बुधवारी विधानसभा निवडणुकीसाठी मतदान प्रक्रिया पार होणार आहे याला एक दिवसच बाकी असताना सुरेश पाडवी यांनी भाजप प्रवेश करत ‘बविआ’ला धक्का दिला आहे.
हितेंद्र ठाकूर आणि विनोद तावडे हे एकाच गाडीत
तसेच हितेंद्र ठाकूर यांनी भाजप नेते विनोद तावडे यांच्यावर पैसे वाटपाचा आरोप केला. त्यानंतर विनोद तावडे हे आमचे मित्र आहेत, असे हितेंद्र ठाकूर म्हणाले. आता हितेंद्र ठाकूर आणि विनोद तावडे हे एकाच गाडीतून रवाना झाले आहेत. हितेंद्र ठाकूर यांचा मुलगा गाडी चालवत असल्याची माहिती आहे. आधी आरोप करत राडा केला आणि आता एकत्र एकाच गाडीतून रवाना झाल्याने राजकीय वर्तुळात चर्चाना उधाण आले आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
