नाशिक : लोकसभा निवडणूकांच्या निकालाच्या पार्श्वभूमीवर नाशिक जिल्हा परिषद (Zilla Parishad) चांगलीच ॲक्शन मोडवर आली असून, जिल्हयातील विविध विभागांतील आठ कर्मचाऱ्यांवर मुख्य कार्यकारी अधिकारी आशिमा मित्तल (Ashima Mittal) यांनी कारवाईचे आदेश दिले आहेत.
या कारवाई करण्यात आलेल्या कर्मचाऱ्यांमध्ये ग्रामपंचायतीचे दोन ग्रामसेवक, बांधकाम विभागातील दोन उपअभियंता, शिक्षण विभागातील एक शिक्षक, मुख्याध्यापक, अशा तीन तर आरोग्य विभागातील एका वैद्यकीय अधिकाऱ्याचा समावेश आहे. विविध कारणांमुळे मागील काही दिवसांत कर्मचाऱ्यांवर कारवाई करण्यात आली आहे. तीन कर्मचाऱ्यांचे थेट निलंबन करण्यात आले असून यामुळे नाशिक (Nashik News) जिल्हा परिषदेत मोठी खळबळ उडाली आहे.
अधिक माहितीनुसार, चांदवड तालुक्यातील वडनेर भैरव येथील प्राथमिक आरोग्य केंद्रातील वैद्यकीय अधिकाऱ्यांबाबत कामकाजाविषयी अनेक तक्रारी आल्या होत्या. दरम्यान, त्यांच्या कामकाजाची चौकशी करण्याकरिता अतिरिक्त जिल्हा आरोग्य अधिकाऱ्यांचे पथक पाठवले असता हे संबंधित वैद्यकीय अधिकारी तिथे गैरहजर आढळले. तसेच कुटुंब कल्याण शस्त्रक्रिया झालेले रुग्ण तेथे असून त्यांची वैद्यकीय तपासणी देखील झालेली नव्हती. तर, तालुका आरोग्य अधिकारी व जिल्हा आरोग्य अधिकाऱ्यांना न कळवता गैरहजर असल्याचे आढळून आले. त्यामुळे यासंदर्भात चौकशी अहवाल मुख्य कार्यकारी अधिकाऱ्यांना सादर केलेला आहे.(Nashik Zilla Parishad)
जिल्हा परिषद व पंचायत समितीच्या निवडणुकीसाठी कार्यकर्त्यानी कामाला लागावे ; जिल्हाध्यक्ष केदा आहेर
Nashik Zilla Parishad | दुसरी कारवाई, शिक्षण विभागात
नाशिक जिल्ह्यातील दिंडोरी तालुक्यातील सहविचार सभेत दोन शिक्षकांमध्ये वाद झाला आणि तुंबळ हाणामारी झाली. या प्रकरणी एक व्हीडियो सोशल मिडियावर व्हायरल झाला होता. याप्रकरणी एका शिक्षकाचे निलंबन केले आहे. तर, इगतपुरीमधील वाडीवऱ्हे या गावातील जिल्हा परिषद शाळेत मुख्य कार्यकारी अधिकाऱ्यांनी भेट दिली असता, यावेळी या शाळेत कुणीही हजर नसल्याने संबंधित शाळेच्या मुख्याध्यापकावर कारवाई करण्यात आली आहे.
तिसरी कारवाई, २ ग्रामसेवक निलंबित
ग्रामपंचायत विभागात प्रतिनियुक्तीने कार्यरत असलेले ग्रामसेवकाबाबत सतत तक्रार येत असल्याने या प्रकरणी संबंधित ग्रामसेवकावर निलंबनाची कारवाई करण्यात आली आहे. तर, दुसऱ्या एका प्रकरणात मालेगाव तालुक्यातील वळवाडी ये गावातील ग्रामसेवकाने नागझरी आणि हाताणे ग्रामपंचायतीचे दप्तर तपासणीसाठी दिले नसून, तसेच निमशेवाडी गावातील लेखा परीक्षणही केले नसल्यामुळे या ग्रामसेवकाचे निलंबन करण्यात आले आहे.
Nashik | नाशिक जिल्हा सर्वाधिक निरक्षर जिल्हा? इतक्या अंगठेबहाद्दरांची झाली नोंद
चौथी कारवाई, बांधकाम विभागात
सुरगाणा पंचायत समितीच्या बांधकाम विभागाचे उपअभियंता यांना ४० हजारांची लाच घेताना लाचलुचपत प्रतिबंधक विभागाने अटक केल्याने त्यांचे निलंबन करण्यात आले आहे. तर, दुसऱ्या प्रकरणी सटाणा पंचायत समितीतील उपअभियंता यांच्या कामकाजाबाबत मुख्य कार्यकारी अधिकाऱ्यांकडे तक्रार आल्याने याप्रकरणी संबंधित उपअभियंत्यांना कारणे दाखवा नोटीस बजावली आहे. दरम्यान, एकूण तीन जणांचे निलंबन आणि आठ जणांवर कारवाईचे आदेश जिल्हा परिषदेकडून काढण्यात आले केली आहे. (Nashik Zilla Parishad)
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम