Nashik Crime | खर्चायला पैसे देत नाही; पत्नीने रचला पतीच्या खुनाचा ‘मास्टर प्लॅन’

Nashik Crime |  नाशिकमधील गुन्हेगारी ही दिवसेंदिवस वाढतअसून, सध्या क्षुल्लक कारणांवरून थेट हत्या करण्याचे प्रकार वाढले आहे. या आठवड्यातच एका नंदुरबारच्या मुलीची तिच्या प्रियकराने क्षुल्लक संशयाच्या कारणावरून हत्या केली होती आणि आता ही या आठवड्यातील दुसरी खुनाच्या प्रयत्नाची घटना असून, यात सुदैवाने पती बचावला आहे. मात्र, त्यामुळे आता शहरात पोलिसांच्या कार्यावर प्रश्नचिन्ह उपस्थित करण्यात होत आहेत.

या घटनेत “खर्चण्यासाठी पैसे देत नसल्याच्या क्षुल्लक कारणावरून आपल्या पतीच्या हत्येचा कट रचल्याचे धक्कादायक प्रकरण उघडकीस आले आहे. पत्नीने आपल्या साथीदारामार्फत पतीला थेट सर्पदंश घडवून आणत  संपवण्याचा प्लॅन बनवला होता. ही घटना नाशिकमधील बोरगडच्या उज्ज्वल नगर येथे घडली असून, पत्नीने रचलेल्या या हत्येच्या ‘मास्टर प्लॅन’ मधून वाचलेल्या पतीच्या तक्रारीवरून त्याची आरोपी पत्नी आणि साथीदाराच्या विरोधात म्हसरूळ पोलिसांनी खुनाचा प्रयत्न केल्याचा गुन्हा दाखल केला आहे.(Nashik Crime)

Nashik | नाशिकमध्ये ‘ईडीअस्त्र’ बरसले; मोठे व्यावसायिक रडारवर

Nashik Crime | नेमकं प्रकरण काय..?

अधिक माहितीनुसार, पती विशाल पोपटराव पाटील (वय ४१) याच्या फिर्यादीनुसार त्याची पत्नी एकता राजेंद्र जगताप आणि तिच्या अज्ञात साथीदाराविरोधात महसूल पोलिसांनी खुनाच्या प्रयत्नाचा गुन्हा दाखल केला आहे. २७ जानेवारी रोजी संध्याकाळच्या सुमारास विशालच्या पत्नीने त्याला बीअर पाजली. तो बीअरच्या नशेत असताना पत्नीच्या साथीदाराने विशालचा गळा दाबला तर, त्याच्या पत्नीने त्याचे तोंड दाबले. त्यानंतर गळा दाबणाऱ्या साथीदराने विशाल याच्या गळ्यावर विषारी साप धरून त्याच्या गळ्यावर सर्पदंश करवला.

दरम्यान, यानंतर घाबरलेल्या विशालने मध्यरात्री कसेबसे घराबाहेर पडत त्याच्या मित्रांकडे मदत मागितली. त्याच्या मित्रांनी त्याला मध्यरात्री एक वाजेच्या सुमारास जिल्हा रुग्णालयात नेले. यावेळी तातडीने उपचार केल्यामुळे पती विशाल यातून बाचावला आहे. नशिक जिल्हा रुग्णालयातील वैद्यकीय अधिकाऱ्यांनी तक्रार केल्यानंतर वरिष्ठ पोलिस निरीक्षक सुभाष ढवळे आणि त्यांचे पथक तपासासाठी तेथे पोहोचले. त्यांनी पती विशाल याचा जबाब नोंदविला त्यानंतर हा धक्कादायक प्रकार उघडकीस आला. संशयित दोघांच्या विरोधात गुन्हा दाखल केला असून, पोलिस पुढील तपास करत आहेत. (Nashik Crime)

Nashik Crime | बेरोजगार मित्रावर विश्वास ठेवणे नाशिकच्या तरुणीला ४० लाखांत पडले

पत्नीला ‘लक्जरियस लाइफस्टाइल’ची हौस 

विशालची पत्नी एकता हिला ‘लक्जरियस लाइफस्टाइल’ मध्ये राहण्याची सवय होती. त्यासाठी ती पतीकडे सारखी पैशांची मागणी करायची. मात्र, आपली आर्थिक परिस्थिती साधारण असल्याने आवाक्यात खर्च कराण्यास पती विशाल हा तिला सांगत असे. दरम्यान, याच कारणावरून दोघांमध्ये वाद व्हायचे. नंतर हे वाद वाढत असल्याने काही महिन्यांपूर्वी पत्नी एकता ही घर सोडून लातूरमध्ये मैत्रिणीकडे निघून गेली होती. यानंतर पती विशाल याने तिची समजूत काढली व तिला पुन्हा घरी आणले. यानंतर तब्बल पाच-सहा महिने सर्व व्यवस्थित सुरू होते. मात्र, आता अचानक पत्नी आणि तिच्या साथीदाराकडून विशालला संपवण्याचा प्रयत्न करण्यात आला.

पोलिसांनाही खोटे सांगितले

पती विशाल हा घरातून बाहेर गेल्यानंतर पत्नी एकता ही म्हसरूळ पोलिस ठाण्यात गेली. तेथे तिने पोलिसांसमोरही बनाव केला. “आमच्या घरात कोणीतरी हल्ला केला आहे’, असे तिने पोलिसांना सांगितले. दरम्यान, पोलिसांना तिच्यावर संशय आल्याने त्यांनी गुन्हा नोंदवला नाही. तेवढ्यातच जिल्हा रुग्णालयातून एका व्यक्तीला बळजबरीने सर्पदंश करत मारण्याचा प्रयत्न केल्याचा फोन आला. पोलिस तातडीने रुग्णालयात गेले आणि तीच संधी साधून पत्नी एकता ही फरार झाली. (Nashik Crime)