सोमनाथ जगताप – प्रतिनिधी : देवळा | खुंटेवाडी (ता.देवळा) येथे अयोध्या येथील प्रभू श्रीराम प्राणप्रतिष्ठा निमित्त सोमवार (दि .२२) रोजी मोठ्या उत्साहात विविध कार्यक्रम संपन्न झाले. यावेळी आबालवृद्ध ग्रामस्थ हे मोठ्या संख्येने याठिकाणी उपस्थित होते. गावात इतक्या मोठ्या स्वरूपात असा कार्यक्रम पहिल्यांदाच झाल्याची भावना यावेळी उपस्थित ग्रामस्थांनी बोलून दाखवली. प्रत्येक घरावर गुढ्या, पताका उभारण्यात आल्या होत्या. तर, घरासमोर काढलेल्या रांगोळींची स्पर्धा घेत बक्षिसे देण्यात आली.
Deola | देवळ्याच्या भदाणे कुटुंबीयांकडून काळाराम मंदिरात नैवेद्य
त्यानंतर लेझीमच्या तालावर नृत्य करत गावातून काढलेली शोभायात्रा लोकांच्या आकर्षणाचा केंद्रबिंदू ठरली. गीतांच्या तालावर व भक्तीपूर्ण वातावरणात शोभायात्रा पार पडली. सजवलेल्या रथावर आणि पालखीत प्रभू श्रीरामांची प्रतिमा ठेवत मिरवणूक काढण्यात आली.
यावेळी या रथावर प्रभू श्रीराम, लक्ष्मण, सीतामाईंसह रामभक्त हनुमान व इतर वेशभूषा केलेल्या बालकांनी सर्वांचे लक्ष वेधून घेतले. महिलावर्गांचाही या कार्यक्रमांत उस्फुर्त सहभाग होता. यावेळी विविध संस्थांचे प्रतिनिधी व श्रीराम भक्त मोठ्या संख्येने सहभागी झाले होते. गावांतील प्रभू श्रीराम व हनुमान मंदिरांमध्ये दुपारी आरतीपाठ व सायंकाळी दिप उत्सव साजरा करत आतिषबाजी करण्यात आली.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
