सोमनाथ जगताप – प्रतिनिधी : देवळा | “दिवसाची चांगली सुरुवात करतांना परमात्म्याचे किंवा भगवंताचे स्मरण करा परमेश्वर आपले परम पिता आणि माता आहे”, असे प्रतिपादन प्रजापती ब्रह्माकुमारी दिपाली दीदी यांनी केले. देवळा येथील प्रजापिता ब्रह्माकुमारी ईश्वरीय विश्वविद्यालयाच्या वतीने रक्षाबंधन सण मोठ्या उत्साहात साजरा करण्यात आला. विश्वविद्यालयाच्या देवळा सेंटरवर यावेळी महिला व पुरुषांनी ईश्वराचे स्मरण करून रक्षाबंधन साजरे केले. यावेळी त्या बोलत होत्या. यानिमित्ताने प्रजापती ब्रह्माकुमारी दिपाली दीदी, नंदिनी दीदी यांनी देवळा शहरातील सर्व शासकीय, निमशासकीय कार्यालयात जाऊन अधिकाऱ्यांना राख्या बांधल्या व त्यांना प्रजापिता ब्रह्माकुमारी ईश्वरीय विश्वविद्यालयाच्या वतीने सुरु असलेल्या उपक्रमाची माहिती विषद केली व केंद्रात एक वेळ भेट देण्याचे आवाहन केले.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
