कृषी प्रतिनिधी : शेतकरी राब राब राबून अन्न पिकवत आहे मात्र त्याला चारही बाजूंनी घेरले असून अडचणीत आणण्याचे काम सुरू आहे, बळीराजा पेरणीसाठी आता सज्ज आहे मात्र, बोगस बियाणे देखील मार्केट मधे आल्याने शेतकऱ्यांच्या चींता वाढली आहे. उत्पादनात वाढ होण्यासाठी बियाणे प्रमाणित असणे हे सर्वात महत्वाचे आहे. पण अधिकच्या अर्थार्जनासाठी बियाणे कंपन्या शेतकऱ्यांचा विचार करीत नाहीत. इस्लामपुरात आढळून आलेल्या बोगस बियाणे बॅगवर गरुड सीड्स असे नाव होते तर सोयाबीन केडीए 726 जातीचे बियाणे असा उल्लेख होता. मात्र, गोदामातील साठवलेल्या सोयाबीन बियाणाची तपासणी ही भरारी पथकातील अधिकाऱ्यांनी केली आहे यामुळे शेतकऱ्यांच्या चिंतेत भर पडणार आहे.
देशात एकीकडे शेतकरी उत्पादन वाढीसाठी जीवाचे रान करतो तर दुसरीकडे ( Bogus Seed) बोगस बियाणे शेतकऱ्यांच्या माथी मारण्याचा प्रयत्न होत आहे. नुकतेच इस्लापुरात बोगस बियाणांचा साठा केलेल्या गोदामावर कृषी विभागाच्या भरारी पथकातील अधिकाऱ्यांनी छापा टाकला. यामध्ये तब्बल 23 लाख 50 हजार रुपयांचे बोगस (Soybean Seed) आढळले आहे. गरुड सीड्स या नावाने 25 किलोच्या पिशवीतून हे बियाणे सिलबंद करण्यात येत होते. या प्रकरणी कंपनी मालक प्रणव हसबनीस यांच्याविरूध्द पोलीस ठाण्यात गुन्हा दाखल करण्यात आला आहे. कृषी विभागातर्फे कारवाई वाढविण्यात आल्यास शेतकऱ्यांना दिलासा मिळेल अथवा शेतकऱ्यांची पिळवणूक अटळ आहे.
शेतकरी बाजार भावात आधीच भरडला गेल्याने हंगामाच्या तोंडावरच असे प्रकार समोर येत असल्याने शेतकऱ्यांनाही सतर्क राहूनच बियाणांची खरेदी करावी लागणार आहे. ना बिजोत्पादनाचा परवाना, ना सोयाबीन खरेदीच्या पावत्या उत्पादनात वाढ होण्यासाठी बियाणे प्रमाणित असणे हे सर्वात महत्वाचे आहे. मात्र अधिकच्या अर्थार्जनासाठी बियाणे कंपन्या शेतकऱ्यांचा विचार करीत नाहीत. इस्लामपुरात आढळून आलेल्या बोगस बियाणे बॅगवर गरुड सीड्स असे नाव होते तर सोयाबीन केडीए 726 जातीचे बियाणे असा उल्लेख होता. मात्र, गोदामातील साठवलेल्या सोयाबीन बियाणाची तपासणी ही भरारी पथकातील अधिकाऱ्यांनी केली. दरम्यान, बियाणे कंपनीचे मालक प्रणव हसबनीस यांच्याकडे ना बिजोत्पादनाचा परवाना होता ना बिजोत्पादनासाठी खरेदी केलेल्या सोयाबीनच्या पावत्या नव्हत्या. त्यामुळे हे बियाणे पेरणीसाठी योग्य नसल्याने पथकातील अधिकाऱ्यांनी या गोदामाला टाळे ठोकले आहे.
गोदामात साठवले लाखोंचे बियाणे
इस्लामपुरात सोयाबीनचे बोगस बियाणे बाजारात विक्री करणाऱ्या गोदामावर कृषी विभागाने छापा टाकला आहे. दरम्यान, कागपत्रांची पूर्तता न करता बियाणे विक्रीच करता येत नाही मात्र बनावट बियाणे मोठ्या प्रमाणात बाजारात असल्याने कृषी विभागा समोर मोठे आवाहन आहे. असे असतानाही गरुड सीड्स या नावाने 25 किलो पिशवाीत सोयाबीनच्या केडीए 726 जातीचे बियाणे सिलबंद करण्यात आले होते. मात्र, कृषी विभागाने यंदा तालुकानिगहाय भरारी पथकांची नेंमणूक करण्यात आली असून इस्लामपुरात सोयाबीनचे बोगस बियाणे बाजारात विक्री करणाऱ्या गोदामावर कारवाई करण्यात आली आहे. यामध्ये तब्बल 23 लाख 50 हजार रुपयांचे बियाणे ते देखील न प्रक्रिया केलेले आढलून आले.
शेतकऱ्यांनी योग्य काळजी घेणे गरजेचे
शेतकरी लुटला जातोय अशावेळी खरीप हंगामात बी-बियाणांची खरेदी करण्यासाठी लगबग ही सुरु झाली आहे. शेतकऱ्यांच्या घाईगडबडीचाच हे विक्रेत्ये फायदा घेतात. शिवाय काही भागात तर कृत्रिम टंचाई निर्माण करुन अधिकच्या दरात विक्री केली जाते. याचा सर्वाधिक फटका हा शेतकऱ्यांना बसलेला आहे. शेतकऱ्यांनी फसवणूक टाळण्यासाठी रीतसर आणि पक्की पावती घेणे गरजेचे आहे. शिवाय कृषी सेवा केंद्राची नोंदणी क्रमांक असलेलीच पावती, बियाणे किंवा खते यांचे पॅकिंगवर दिले तेवढेच वजन आहे का नाही याची तपासणी, साधे बील न घेता छापील पावतीच घेणे गरजेचे आहे. शेतकऱ्याने सतर्क राहावे असे आवाहन करण्यात येत आहे.
The Point Now न्यूजचे अपडेट्स मिळवण्यासाठी आम्हाला फॉलो करा
फेसबुक । ट्विटर । युट्युब । इंस्टाग्राम
